ਵੱਡੀ ਖ਼ਬਰ: ਅੰਮ੍ਰਿਤਪਾਲ ਦੇ ਹੱਕ ‘ਚ ਨਿਤਰੇ ਚੰਨੀ ਤਾਂ, CM ਮਾਨ ਬੋਲੇ- ਕਾਂਗਰਸ ਦੱਸੇ ਆਪਣਾ ਸਟੈਂਡ

ਚੰਡੀਗੜ੍ਹ, 25 ਜੁਲਾਈ 2024- ਲੋਕ ਸਭਾ ਹਲਕਾ ਖਡੂਰ ਸਾਹਿਬ ਤੋਂ ਚੁਣੇ ਗਏ ਆਜ਼ਾਦ ਐਮਪੀ ਅੰਮ੍ਰਿਤਪਾਲ ਸਿੰਘ ਦੇ ਹੱਕ ਵਿਚ ਸਾਬਕਾ ਸੀਐਮ ਅਤੇ ਜਲੰਧਰ ਤੋਂ ਐਮਪੀ ਚਰਨਜੀਤ ਸਿੰਘ ਚੰਨੀ ਉੱਤਰੇ ਹਨ। ਚੰਨੀ ਨੇ ਸਦਨ ਦੇ ਅੰਦਰ ਪੰਜਾਬ ਸਰਕਾਰ ਨੂੰ ਘੇਰਿਆ ਅਤੇ ਕਿਹਾ ਕਿ, ਲੋਕਾਂ ਦੇ ਨੁਮਾਇਦੇ ਨੂੰ ਐਨਐਸਏ ਲਗਾ ਕੇ ਜੇਲ੍ਹ ਦੇ ਅੰਦਰ ਤਾੜਿਆ ਹੋਇਆ ਹੈ। ਇਹ ਵੀ ਇੱਕ ਤਰ੍ਹਾਂ ਨਾਲ ਐਮਰਜੈਂਸੀ ਹੀ ਹੈ। ਚੰਨੀ ਦੇ ਬਿਆਨ ਤੇ ਸੀਐੱਮ ਭਗਵੰਤ ਮਾਨ ਦਾ ਵੀ ਬਿਆਨ ਸਾਹਮਣੇ ਆਇਆ ਹੈ। ਮਾਨ ਨੇ ਕਿਹਾ ਕਿ, ਕਾਂਗਰਸ ਆਪਣਾ ਸਟੈਂਡ ਦੱਸੇ। ਮਾਨ ਨੇ ਕਿਹਾ ਕਿ, ਮੈਂ ਕਿਸੇ ਖ਼ਾਸ ਐਮਪੀ ਦਾ ਨਹੀਂ, ਬਲਕਿ ਸਭ ਦਾ ਖਿਆਲ ਰੱਖਣਾ ਹੈ। ਦੂਜੇ ਪਾਸੇ, ਭਾਜਪਾ ਨੇ ਵੀ ਚੰਨੀ ਬਹਾਨੇ ਕਾਂਗਰਸ ਨੂੰ ਘੇਰਿਆ ਹੈ। ਕੇਂਦਰੀ ਰਾਜ ਮੰਤਰੀ ਰਵਨੀਤ ਬਿੱਟੂ ਨੇ ਚੰਨੀ ਦੇ ਬਿਆਨ ਤੇ ਕਿਹਾ ਹੈ ਕਿ, ਚੰਨੀ ਨੇ ਦੇਸ਼ ਧ੍ਰੋਹ ਦੀ ਤਰ੍ਹਾਂ ਸਦਨ ਵਿਚ ਗੱਲ ਕੀਤੀ, ਜੋ ਕਿ ਅਤਿ ਨਿੰਦਣਯੋਗ ਹੈ।