ਨਵੀਂ ਦਿੱਲੀ, 27 ਅਕਤੂਬਰ, 2021: ਕਾਂਗਰਸ ਵਰਕਿੰਗ ਕਮੇਟੀ ਦੀ ਬੀਤੇ ਦਿਨੀਂ ਹੋਈ ਮੀਟਿੰਗ ਵਿਚ ਰਾਹੁਲ ਗਾਂਧੀ ਨੇ ਸਵਾਲ ਕੀਤਾ ਕਿ ਇਥੇ ਕੌਣ ਕੌਣ ਸ਼ਰਾਬ ਪੀਂਦਾ ਹੈ ? ਰਾਹੁਲ ਨੇ 2007 ਵਿਚ ਇਕ ਮੀਟਿੰਗ ਵਿਚ ਵੀ ਇਹੀ ਗੱਲ ਪੁੱਛੀ ਸੀ ਤੇ ਫਿਰ ਇਕ ਵਾਰ ਇਹ ਸਵਾਲ ਪੁੱਛਿਆ। ਅਸਲ ਵਿਚ ਇਹ ਸਵਾਲ ਪੁੱਛਣ ਦਾ ਮਕਸਦ ਇਹ ਸੀ ਕਿ ਕਾਂਗਰਸ ਦਾ ਇਹ ਇਹ ਨਿਯਮ ਹੈ ਕਿ ਜਿਸਨੇ ਵੀ ਕਾਂਗਰਸ ਦਾ ਮੈਂਬਰ ਬਣਨਾ ਹੈ, ਉਹ ਸ਼ਰਾਬ ਨਾ ਪੀਂਦਾ ਹੋਵੇ ਤੇ ਖਾਦੀ ਪਾਉਂਦਾ ਹੋਵੇ।
ਰਾਹੁਲ ਗਾਂਧੀ ਦੇ ਸਵਾਲ ਤੋਂ ਬਾਅਦ ਕਾਂਗਰਸ ਵਰਕਿੰਗ ਕਮੇਟੀ ਦੇ ਮੈਂਬਰ ਹੱਕੇ ਬੱਕੇ ਰਹਿ ਗਏ। ਇਸ ’ਤੇ ਨਵਜੋਤ ਸਿੱਧੂ ਨੇ ਜਵਾਬ ਦਿੱਤਾ ਕਿ ਮੇਰੇ ਸੂਬੇ ਵਿਚ ਬਹੁਤੇ ਲੋਕ ਸ਼ਰਾਬ ਪੀਂਦੇ ਹਨ। ਅਸਲ ਵਿਚ ਕਾਂਗਰਸ ਨੂੰ ਆਪਣੀ ਮੈਂਬਰਸ਼ਿਪ ਲਈ ਇਹ ਨਿਯਮ ਬਦਲਣ ਦੀ ਜ਼ਰੂਰਤ ਹੈ ਤੇ ਇਹ ਨਿਯਮ ਕਾਂਗਰਸ ਵਰਕਿੰਗ ਕਮੇਟੀ ਹੀ ਬਦਲ ਸਕਦੀ ਹੈ ਪਰ ਉਸਮੀਟਿੰਗ ਵਿਚ ਇਸ ਬਾਰੇ ਫੈਸਲਾ ਨਹੀਂ ਹੋ ਸਕਿਆ। ਇਸ ਕਾਰਨ ਹੁਣ ਪਾਰਟੀ ਵੱਲੋਂ ਜਿਹੜੀ ਭਰਤੀ ਮੁਹਿੰਮ ਵਿੱਢੀ ਜਾ ਰਹੀ ਹੈ, ਉਸ ਫਾਰਮ ’ਤੇ ਇਹ ਸਵੈ ਘੋਸ਼ਣਾ ਲਿਖੀ ਹੈ ਕਿ ਮੈਂ ਸ਼ਰਾਬ ਨਹੀਂ ਪੀਂਦਾ/ਪੀਂਦੀ। ਭਰਤੀ ਮੁਹਿੰਮ 1 ਨਵਬੰਰ ਤੋਂ ਸ਼ੁਰੂ ਹੋ ਰਹੀ ਹੈ।