ਸਰੀ, 14 ਜੂਨ 2020 – ਅੱਜ ਸ਼ਾਮ ਸਰੀ ਦੇ ਲਾਗਲੇ ਸ਼ਹਿਰ ਲੈਂਗਲੀ ਵਿਚ ਇਕ ਘਰ ਨੂੰ ਲੱਗੀ ਅੱਗ ਕਾਰਨ ਇਕ ਬੰਦੇ ਦੀ ਮੌਤ ਹੋ ਗਈ। ਲੈਂਗਲੀ ਦੇ ਡਿਪਟੀ ਫਾਇਰ ਚੀਫ ਬਰੂਸ ਫਰਗੂਸਨ ਨੇ ਦੱਸਿਆ ਕਿ ਫਾਇਕਫਾਈਟਰਜ਼ ਨੂੰ ਸ਼ਾਮ 5.30 ਵਜੇ ਸੂਚਿਤ ਕੀਤਾ ਗਿਆ ਕਿ 19600 ਬਲਾਕ ਦੇ ਵੇਕਫੀਲਡ ਡਰਾਈਵ ਵਿਚ ਇਕ ਘਰ ਨੂੰ ਅੱਗ ਲੱਗ ਗਈ ਹੈ। ਫਾਇਰ ਬਿਰਗੇਡ ਦੀ ਟੀਮ ਜਦੋਂ ਉੱਥੇ ਪਹੁੰਚੀ ਤਾਂ ਦੋ ਮੰਜਿਲਾ ਘਰ ਅੱਗ ਦੀਆਂ ਲਪਟਾਂ ਵਿਚ ਘਿਰਿਆ ਹੋਇਆ ਸੀ ਅਤੇ ਅੱਗ ਲਾਗਲੇ ਘਰਾਂ ਵੱਲ ਫੈਲਣੀ ਸ਼ੁਰੂ ਹੋ ਗਈ ਸੀ।
ਬਰੂਸ ਫਰਗੂਸਨ ਨੇ ਦੱਸਿਆ ਕਿ ਅੱਗ ਉਪਰ ਕਾਬੂ ਪਾਉਣ ਲਈ 25 ਫਾਇਰ ਫਾਈਟਰਜ਼ ਨੂੰ ਭਾਰੀ ਮੁਸ਼ੱਕਤ ਕਰਨੀ ਪਈ।
ਉਨ੍ਹਾਂ ਦੱਸਿਆ ਕਿ ਇਸ ਦੌਰਾਨ ਇੱਕ ਬੰਦੇ ਦੀ ਮੌਤ ਹੋ ਗਈ। ਪਰ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਕਿ ਘਰ ਵਿੱਚ ਹੋਰ ਲੋਕ ਸਨ ਜਾਂ ਨਹੀਂ। ਆਈਹਿਟ ਦੀ ਟੀਮ ਨੇ ਘਟਨਾ ਸਥਾਨ ਤੇ ਪਹੁੰਚ ਕੇ ਜਾਂਚ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ। ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ।
