ਸਰੀ, 14 ਜੂਨ 2020-ਬੀਤੇ ਦਿਨ ਡੈਲਟਾ ਵਿਚ ਇਕ ਪਿਕ ਅੱਪ ਟਰੱਕ ਅਤੇ ਕਿਊਬ ਵੈਨ ਵਿਚਾਲੇ ਹੋਈ ਟੱਕਰ ਤੋਂ ਬਾਅਦ ਇਕ ਜਣੇ ਦੀ ਮੌਤ ਹੋ ਗਈ ਅਤੇ ਦੋ ਜ਼ਖ਼ਮੀ ਹੋ ਗਏ।
ਡੈਲਟਾ ਪੁਲਿਸ ਅਨੁਸਾਰ ਇਹ ਗੰਭੀਰ ਹਾਦਸਾ ਕੱਲ੍ਹ ਸਵੇਰੇ 11 ਵਜੇ ਦੇ ਕਰੀਬ ਹੌਪਕੋਟ ਰੋਡ ਦੇ ਪੂਰਬ ਵੱਲ ਰਿਵਰ ਰੋਡ ‘ਤੇ ਵਾਪਰਿਆ ਜਦੋਂ ਪਿੱਕ ਅੱਪ ਟਰੱਕ ਅਤੇ ਕਿਊਬ ਵੈਨ ਦੀ ਆਹਮੋ ਸਾਹਮਣੀ ਟੱਕਰ ਹੋ ਗਈ। ਇਸ ਟੱਕਰ ਵਿਚ ਵੈਨ ਦੇ ਡਰਾਈਵਰ ਦੀ ਮੌਕੇ ‘ਤੇ ਮੌਤ ਹੋ ਗਈ। ਪੁਲਿਸ ਨੇ ਮ੍ਰਿਤਕ ਦਾ ਨਾਮ ਨਹੀਂ ਦੱਸਿਆ ਪਰ ਕਿਹਾ ਹੈ ਕਿ ਇਹ 30 ਸਾਲਾ ਨੌਜਵਾਨ ਸਰੀ ਦਾ ਰਹਿਣ ਵਾਲਾ ਸੀ। ਪਿੱਕ ਅੱਪ ਦਾ ਡਰਾਈਵਰ ਵੀ ਗੰਭੀਰ ਜ਼ਖ਼ਮੀ ਹੋ ਗਿਆ ਅਤੇ ਉਸ ਦੇ ਨਾਲ ਬੈਠੇ ਸਾਥੀ ਨੂੰ ਸੱਟਾਂ ਲੱਗੀਆਂ ਹਨ। ਇਨ੍ਹਾਂ ਦੋਹਾਂ ਨੂੰ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ।
