ਜਲੰਧਰ, 10 ਜੂਨ 2020 – ਜਲੰਧਰ-ਨਕੋਦਰ ਰੋਡ ‘ਤੇ ਪ੍ਰਤਾਪਪੁਰਾ ‘ਚ ਇੱਕ ਭਿਆਨਕ ਸੜਕ ਹਾਦਸਾ ਵਾਪਰ ਗਿਆ, ਜਿਸ ‘ਚ 2 ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਜਦੋਂ ਕਿ ਇੱਕ ਗੰਭੀਰ ਰੂਪ ਨਾਲ ਜ਼ਖਮੀ ਹੋਈ ਸਕੂਲ ਦੀ ਪ੍ਰਿੰਸੀਪਲ ਨੂੰ ਹਸਪਤਾਲ ਭਰਤੀ ਕਰਵਾਇਆ ਗਿਆ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਇੱਕ ਐੱਚ.ਪੀ. ਗੈਸ ਟੈਂਕਰ ਬੇ-ਕਾਬੂ ਹੋ ਕੇ ਡੀ.ਆਈ.ਪੀ.ਐੱਸ. ਮੇਹਤਪੁਰ ਬ੍ਰਾਂਚ ਦੀ ਪ੍ਰਿੰਸੀਪਲ ਦੀ ਗੱਡੀ ‘ਤੇ ਪਲਟ ਗਿਆ। ਇਸ ਹਾਦਸੇ ‘ਚ ਗੱਡੀ ਦੇ ਡਰਾਇਵਰ ਅਤੇ ਸਕੂਲ ਦੀ ਪੀ.ਆਰ.ਓ. ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਜਦੋਂ ਕਿ ਜ਼ਖਮੀ ਹਾਲਤ ‘ਚ ਸਕੂਲ ਪ੍ਰਿੰਸੀਪਲ ਨੂੰ ਲੋਕਾਂ ਅਤੇ ਪੁਲਿਸ ਨੇ ਗੱਡੀ ‘ਚੋਂ ਕੱਢ ਕੇ ਹਸਪਤਾਲ ਪਹੁੰਚਾਇਆ।
