ਕੈਨੇਡਾ: ਵਾਲੀਬਾਲ ਟੂਰਨਾਮੈਂਟ ਵਿਚ ਜੇਤੂ ਰਹੀ ਦੋਆਬਾ ਟੀਮ

ਸਰੀ, 16 ਸਤੰਬਰ 2020 – ਸਰੀ ਵਿਖੇ ਬਲਵੀਰ ਸਿੰਘ ਸੰਧੂ ਦੇ ਯਤਨਾਂ ਸਦਕਾ ਇੱਕ ਦਿਨਾਂ ਵਾਲੀਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਟੂਰਨਾਮੈਂਟ ਦਾ ਫਾਈਨਲ ਮੁਕਾਬਲਾ ਦੋਆਬਾ ਟੀਮ ਅਤੇ ਮਾਲਵਾ ਟੀਮ ਵਿਚਕਾਰ ਹੋਇਆ। ਇਹ ਜਾਣਕਾਰੀ ਦਿੰਦਿਆਂ ਕੁਲਦੀਪ ਸਿੰਘ ਸੇਖੋਂ ਨੇ ਦੱਸਿਆ ਹੈ ਕਿ ਫਾਈਨਲ ਮੁਕਾਬਲਾ ਬਹੁਤ ਹੀ ਫਸਵਾਂ ਅਤੇ ਦਿਲਚਸਪ ਰਿਹਾ। ਅੰਤ ਦੋਆਬਾ ਟੀਮ ਨੇ ਮਾਲਵਾ ਟੀਮ ਉਪਰ ਜਿੱਤ ਹਾਸਲ ਕੀਤੀ। ਇਹ ਮੁਕਾਬਲਾ ਖੇਡ ਪ੍ਰੇਮੀਆਂ ਦੇ ਦਿਲਾਂ ਵਿੱਚ ਦੇਰ ਤੱਕ ਵਸਦਾ ਰਹੇਗਾ। ਅੰਤ ਵਿਚ ਦੋਹਾਂ ਟੀਮਾਂ ਨੂੰ ਪ੍ਰਬੰਧਕਾਂ ਨੇ ਸ਼ੀਲਡਾਂ ਦੇ ਕੇ ਸਨਮਾਨਿਤ ਕੀਤਾ।