ਕੈਨੇਡਾ: ਉਂਕਾਰ ਸਿੰਘ ਫਲੋਰਾ ਰੋਟਰੀ ਕਲੱਬ ਦੇ ਪ੍ਰਧਾਨ ਬਣੇ

ਸਰੀ, 12 ਸਤੰਬਰ 2020 – ਪੰਜਾਬ ਦੇ ਜਲੰਧਰ ਸ਼ਹਿਰ ਦੇ ਜੰਮਪਲ ਰੋਟੇਰੀਅਨ ਉਂਕਾਰ ਸਿੰਘ ਫਲੋਰਾ ਸਰੀ-ਨਿਊਟਨ ਰੋਟਰੀ ਕਲੱਬ ਦੇ ਸਾਲ 2020-21 ਲਈ 11 ਵੇਂ ਪ੍ਰਧਾਨ ਚੁਣੇ ਗਏ ਹਨ। ਉਂਕਾਰ ਸਿੰਘ ਸਰੀ ਵਿਚ ਪਿਛਲੇ ਲੰਬੇ ਸਮੇਂ ਤੋਂ ਫਰਨੀਚਰ ਦਾ ਬਿਜਨੈਸ ਕਰਦੇ ਆ ਰਹੇ ਹਨ। ਉਹ ਉਂਕਾਰ ਫਰਨੀਚਰ ਇੰਪੋਰਟਸ ਲਿਮ ਦੇ ਸੀ ਈ ਓ ਹਨ। ਰੋਟਰੀ ਕਲੱਬ ਨਾਲ ਉਹ ਪੰਜ ਸਾਲ ਪਹਿਲਾਂ ਜੁੜੇ ਸਨ ਅਤੇ ਨਿਊਟਨ ਰੋਟਰੀ ਕਲੱਬ ਵੱਲੋਂ ਸਮਾਜ ਸੇਵਾ ਅਤੇ ਲੋਕ ਭਲਾਈ ਦੇ ਕਾਰਜਾਂ ਵਿਚ ਮੋਹਰੀ ਭੂਮਿਕਾ ਨਿਭਾਉਂਦੇ ਆ ਰਹੇ ਹਨ।