ਯੁਵਾ ਅਧਿਆਪਕ ਪੁਰਸਕਾਰ’ ਦੀ ਨਾਮਜ਼ਦਗੀ ਲਈ ਮਿਤੀ ‘ਚ ਵਾਧਾ

ਮੁਹਾਲੀ, 30 ਅਗਸਤ, 2020 :ਸਿੱਖਿਆ ਵਿਭਾਗ ਪੰਜਾਬ ਵੱਲੋਂ ਇਸ ਵਾਰ ਸ਼ੁਰੂ ਕੀਤੇ ਗਏ ‘ਯੁਵਾ ਅਧਿਆਪਕ ਪੁਰਸਕਾਰ’ ਲਈ ਅਧਿਆਪਕਾਂ ਨੂੰ ਨਾਮਜ਼ਦ ਕਰਨ ਦੀ ਮਿਤੀ ਵਿੱਚ 31 ਅਗਸਤ 2020 ਸਵੇਰੇ 9 ਵਜੇ ਤੱਕ ਵਾਧਾ ਕਰ ਦਿੱਤਾ ਗਿਆ ਹੈ| ਇਸ ਸਬੰਧੀ ਵਿਭਾਗ ਦੇ ਬੁਲਾਰੇ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਵਿਭਾਗ ਨੂੰ ਨੌਜਵਾਨ ਅਧਿਆਪਕਾਂ ਦੇ ਉਤਸ਼ਾਹ ਅਤੇ ਪੁਰਸਕਾਰ ਲਈ ਮਿਲੇ ਘੱਟ ਸਮੇਂ ਨੂੰ ਦੇਖਦਿਆਂ ਸੁਝਾਅ ਮਿਲ ਰਹੇ ਸਨ ਕਿ ‘ਯੁਵਾ ਅਧਿਆਪਕ ਪੁਰਸਕਾਰ’ ਦੀ ਨਾਮਜ਼ਦਗੀਆਂ ਲਈ ਸਮੇਂ ਵਿੱਚ ਕੁਝ ਵਾਧਾ ਕੀਤਾ ਜਾਵੇ ਜਿਸ ਤੇ ਵਿਭਾਗ ਨੇ ਵਿਚਾਰ ਕਰਦਿਆਂ ਨਾਮਜ਼ਦ ਕਰਨ ਦੀ ਮਿਤੀ ਵਿੱਚ ਵਾਧਾ ਕੀਤਾ ਹੈ|
ਦੱਸਣਯੋਗ ਹੈ ਕਿ ਪਹਿਲੀ ਵਾਰ ਸ਼ੁਰੂ ਕੀਤੇ ਗਏ ਇਸ ਪੁਰਸਕਾਰ ਲਈ ਪਹਿਲਾਂ ਨਾਮਜ਼ਦਗੀ ਦੀ ਮਿਤੀ 26 ਤੋਂ 28 ਅਗਸਤ 2020 ਨਿਯਤ ਕੀਤੀ ਗਈ ਸੀ|