ਗੋਨਿਆਣਾ ਦੇ ਗੱਭਰੂ ਨੇ ਬਣਾਇਆ ਵਿਸ਼ਵ ਰਿਕਾਰਡ

ਸ੍ਰੀ ਮੁਕਤਸਰ ਸਾਹਿਬ, 30 ਅਗਸਤ, 2020 : ਪਿਛਲੇ ਦਿਨ ਯੋਗ ਦਿਵਸ ਮੌਕੇ ਹੋਏ ਮੁਕਾਬਲਿਆਂ ਵਿਚ ਪਿੰਡ ਗੋਨਿਆਣਾ ਦੇ ਰਹਿਣ ਵਾਲੇ ਗੁਰਵਿੰਦਰ ਸਿੰਘ ਨੇ ਵਿਸ਼ਵ ਰਿਕਾਰਡ ਬਣਾਇਆ ਹੈ। ਇਸ ਨੌਜਵਾਨ ‘ਤੇ ਪਿੰਡ ਵਾਲੇ ਮਾਣ ਮਹਿਸੂਸ ਕਰ ਰਹੇ ਹਨ। ਪਿੰਡ ਦੇ ਵਾਸੀ ਦੇਸ ਰਾਜ ਦਾ ਕਹਿਣਾ ਹੈ ਕਿ ਗੁਰਵਿੰਦਰ ‘ਤੇ ਸਾਨੂੰ ਮਾਣ ਹੈ ਤੇ ਅਸੀਂ ਚਾਹੁੰਦੇ ਹਾਂ ਕਿ ਪਿੰਡ ਦ ਹੋਰ ਬੱਚੇ ਵੀ ਉਸ ਤੋਂ ਪ੍ਰੇਰਨਾ ਲੈ ਕੇ ਯੋਗ ਵਿਚ ਬੁਲੰਦੀਆਂ ਛੂਹਣ। ਗੁਰਵਿੰਦਰ ਸਿੰਘ ਮਾਪਿਆਂ ਨੇ ਵੀ ਆਪਣੇ ਬੇਟੇ ਦੀ ਪ੍ਰਾਪਤੀ ‘ਤੇ ਮਾਣ ਮਹਿਸੂਸ ਕਰਦਿਆਂ ਕਿਹਾ ਕਿ ਸਾਡੀ ਦੁਆ ਹੈ ਕਿ ਉਹ ਇਸੇ ਤਰੀਕੇ ਹੋਰ ਬੁਲੰਦੀਆਂ ਛੂਹੇ।