Mohali ‘ਚ ਫੇਰ ਵਾਪਰਿਆ ਵੱਡਾ ਹਾਦਸਾ, 6 ਮੰਜ਼ਿਲਾ ਇਮਾਰਤ ਤੋਂ ਬੱਚੇ ‘ਤੇ ਡਿੱਗੀ ਗਰਿੱਲ- ਮੌਕੇ ‘ਤੇ ਹੋਈ ਮੌਤ

ਮੋਹਾਲੀ, 7 ਜਨਵਰੀ 2025- ਮੋਹਾਲੀ ਦੇ ਸੈਕਟਰ-80 ਦੇ ਪਿੰਡ ਮੌਲੀ ਵਿਖੇ ਬਣ ਰਹੀ 6 ਮੰਜ਼ਿਲਾ ਇਮਾਰਤ ਦੀ ਲੋਹੇ ਦੀ ਗਰਿੱਲ ਸੜਕ ‘ਤੇ ਡਿੱਗਣ ਕਾਰਨ ਉਥੋਂ ਲੰਘ ਰਹੇ ਤਿੰਨ ਬੱਚਿਆਂ ‘ਚੋਂ ਇਕ 12 ਸਾਲਾ ਬੱਚੇ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਜਾਣਕਾਰੀ ਮੁਤਾਬਿਕ, ਇਸ ਘਟਨਾ ਦੀ ਸੀਸੀਟੀਵੀ ਵੀਡੀਓ ਸਾਹਮਣੇ ਆਈ ਹੈ, ਜਿਸ ਵਿੱਚ ਤਿੰਨ ਬੱਚੇ ਜਾ ਰਹੇ ਹਨ ਅਤੇ ਇਸ ਦੌਰਾਨ ਲੋਹੇ ਦੀ ਗਰਿੱਲ ਸਿੱਧੀ ਬੱਚੇ ਦੇ ਸਿਰ ‘ਤੇ ਡਿੱਗੀ, ਜਿਸ ਕਾਰਨ ਉਸਦੀ ਮੌਕੇ ਤੇ ਹੀ ਮੌਤ ਹੋ ਗਈ। ਮ੍ਰਿਤਕ ਬੱਚੇ ਦੀ ਪਛਾਣ ਆਸ਼ੀਸ਼ ਵਜੋਂ ਹੋਈ ਹੈ। ਇਸ ਸਬੰਧੀ ਥਾਣਾ ਸੋਹਾਣਾ ਦੀ ਪੁਲੀਸ ਨੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਧਾਰਾ 106 ਅਧੀਨ ਕੇਸ ਦਰਜ ਕਰ ਲਿਆ ਹੈ। ਫਿਲਹਾਲ ਕਿਸੇ ਦੀ ਗ੍ਰਿਫਤਾਰੀ ਨਹੀਂ ਹੋਈ ਹੈ।