ਗੈਂਗਸਟਰ ਵਿਕਾਸ ਦੂਬੇ ਪੁਲਿਸ ਗੋਲੀ ਨਾਲ ਮਾਰਿਆ ਗਿਆ – ਭੱਜਣ ਲੱਗਿਆ ਸੀ ਪੁਲਿਸ ਦਾ ਦਾਅਵਾ

ਕਾਨਪੁਰ, 10 ਜੁਲਾਈ, 2020 : ਗੈਂਗਸਟਰ ਵਿਕਾਸ ਦੂਬੇ ਜਿਸਦੇ ਗਿਰੋਹ ਨੇ ਇਕ ਡੀ ਐਸ ਪੀ ਸਮੇਤ 8 ਪੁਲਿਸ ਮੁਲਾਜ਼ਮਾਂ ਦੀ ਹੱਤਿਆ ਕਰ ਦਿੱਤੀ ਸੀ, ਤੇ ਉਸਨੂੰ ਉਜੈਨ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ, ਇਕ ਪੁਲਿਸ ਮੁਕਾਬਲੇ ਵਿਚ ਮਾਰਿਆ ਗਿਆ ਹੈ। ਇਹ ਦਾਅਵਾ ਯੂ. ਪੀ. ਪੁਲਿਸ ਨੇ ਕੀਤਾ ਹੈ।
ਪੁਲਿਸ ਮੁਤਾਬਕ ਵਿਕਾਸ ਦੂਬੇ ਨੂੰ ਕਾਨਪੁਰ ਲਿਆਂਦਾ ਜਾ ਰਿਹਾ ਸੀ ਜਦੋਂ ਕਾਨਪੁਰ ਨੇੜੇ ਭਾਰੀ ਬਰਸਾਤ ਹੋਣ ਕਾਰਨ ਪੁਲਿਸ ਦੀ ਵੈਨ ਪਲਟ ਗਈ। ਵਿਕਾਸ ਦੂਬੇ ਨੂੰ ਜਦੋਂ ਵੈਨ ਵਿਚੋਂ ਕੱਢਿਆ ਜਾ ਰਿਹਾ ਸੀ, ਤਾਂ ਉਸਨੇ ਐਸ ਟੀ ਡੀ ਐਫ ਦੇ ਇਕ ਮੈਂਬਰ ਤੋਂ ਗੰਨ ਖੋਹ ਲਈ ਤੇ ਪੁਲਿਸ ‘ਤੇ ਗੋਲੀ ਚਲਾਉਣ ਦੀ ਕੋਸ਼ਿਸ਼ ਕੀਤੀ। ਇਥੇ ਜਵਾਬੀ ਫਾਇਰਿੰਗ ਵਿਚ ਵਿਕਾਸ ਦੂਬੇ ਮਾਰਿਆ ਗਿਆ।