ਬਟਾਲਾ, 21 ਅਗਸਤ 2024- ਜ਼ਿਲ੍ਹਾ ਖੇਡ ਅਫਸਰ ਸਿਮਰਨਜੀਤ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ‘ਖੇਡਾਂ ਵਤਨ ਪੰਜਾਬ ਦੀਆਂ’ 2024 ਨੂੰ ਸਮਰਪਿਤ ਟਾਰਚ ਰਿਲੇਅ ਕੱਲ੍ਹ 22 ਅਗਸਤ ਨੂੰ ਸ੍ਰੀ ਅੰਮ੍ਰਿਤਸਰ ਤੋਂ ਸਵੇਰੇ ਕਰੀਬ 8 ਵਜੇ ਚੱਲੇਗੀ ਅਤੇ ਜ਼ਿਲ੍ਹਾ ਗੁਰਦਾਸਪੁਰ ਦੀ ਹੱਦ ਜੈਂਤੀਪੁਰ ਨੇੜੇ ਕਰੀਬ ਸਵੇਰੇ 9 ਵਜੇ ਪਹੁੰਚੇਗੀ।
ਉਨਾਂ ਅੱਗੇ ਦੱਸਿਆ ਕਿ ‘ਖੇਡਾਂ ਵਤਨ ਪੰਜਾਬ ਦੀਆਂ’ 2024 ਨੂੰ ਸਮਰਪਿਤ ਟਾਰਚ ਰਿਲੇਅ ਨੂੰ ਜੈਂਤੀਪੁਰ ਅੱਡੇ ਤੇ ਰਸੀਵ ਕਰਨ ਉਪਰੰਤ ਟਾਰਚ ਰਿਲੇਅ ਬਟਾਲਾ ਸ਼ਾਹਿਰ ਵਿੱਚੋਂ ਦੀ ਹੁੰਦੇ ਹੋਏ ਬਟਾਲਾ ਬਾਈਪਾਸ ਉਸਮਾਨਪੁਰ ਸਿਟੀ ਤੋਂ ਨੌਸ਼ਹਿਰਾ ਮੱਝਾ ਸਿੰਘ ਤੋਂ ਧਾਰੀਵਾਲ ਤੋਂ ਗੁਰਦਾਸਪੁਰ ਜ਼ਿਲ੍ਹਾ ਖੇਡ ਦਫਤਰ ਗੁਰਦਾਸਪੁਰ ਵਿਖੇ ਪਹੁੰਚੇਗੀ। ਉਨਾਂ ਦੱਸਿਆ ਕਿ ‘ਖੇਡਾਂ ਵਤਨ ਪੰਜਾਬ ਦੀਆਂ’ 2024 ਨੂੰ ਸਮਰਪਿਤ ਟਾਰਚ ਰਿਲੇਅ ਪ੍ਰੋਗਰਾਮ ਲੋਕਾਂ ਅਤੇ ਖਿਡਾਰੀਆਂ ਵਿੱਚ ਖੇਡਾਂ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨ ਦੇ ਮੰਤਵ ਨਾਲ ਕੱਢੀ ਜਾ ਰਹੀ ਹੈ।
