ਚੰਡੀਗੜ੍ਹ, 21 ਅਗਸਤ 2024- ਪੀਜੀਆਈ ਦੇ ਰੈਜ਼ੀਡੈਂਟ ਡਾਕਟਰਾਂ ਨੇ ਸੜਕ ‘ਤੇ ਓ.ਪੀ.ਡੀ. ਖੋਲ੍ਹੀ। ਰੈਜ਼ੀਡੈਂਟ ਡਾਕਟਰ ਹੱਥਾਂ ਵਿੱਚ ਵੱਖ-ਵੱਖ ਵਿਭਾਗਾਂ ਦੀਆਂ ਤਖ਼ਤੀਆਂ ਲੈ ਕੇ ਖੜ੍ਹੇ ਸਨ। ਹੜਤਾਲ ‘ਤੇ ਬੈਠੇ ਰੈਜ਼ੀਡੈਂਟ ਡਾਕਟਰ ਆਪਣੇ ਸਾਮਾਨ ਨਾਲ ਧਰਨੇ ਵਾਲੀ ਥਾਂ ‘ਤੇ ਨਜ਼ਰ ਆਏ।
ਇਸ ਦੌਰਾਨ ਅੱਖਾਂ ਅਤੇ ਕੰਨਾਂ ਦੀਆਂ ਬਿਮਾਰੀਆਂ ਤੋਂ ਪੀੜਤ ਮਰੀਜ਼ਾਂ ਦੀ ਵੀ ਜਾਂਚ ਕੀਤੀ ਗਈ ਅਤੇ ਦਵਾਈਆਂ ਵੀ ਦਿੱਤੀਆਂ ਗਈਆਂ। ਰੈਜ਼ੀਡੈਂਟ ਡਾਕਟਰਾਂ ਨੇ ਮਰੀਜ਼ਾਂ ਦਾ ਸੜਕ ਤੇ ਹੀ ਚੈੱਕਅੱਪ ਕੀਤਾ।ਦੂਜੇ ਪਾਸੇ ਪੀਜੀਆਈ ਵਿੱਚ 3824 ਫਾਲੋਅਪ ਮਰੀਜ਼ ਦਰਜ ਕੀਤੇ ਗਏ ਹਨ। ਐਮਰਜੈਂਸੀ ਵਿੱਚ 242 ਮਰੀਜ਼ਾਂ ਨੂੰ ਦੇਖਿਆ ਗਿਆ, ਜਦੋਂ ਕਿ 159 ਮਰੀਜ਼ਾਂ ਨੂੰ ਦਾਖਲ ਕੀਤਾ ਗਿਆ ਅਤੇ 70 ਦੀ ਸਰਜਰੀ ਹੋਈ।
