ਗੁਰਦਾਸਪੁਰ,25 ਜੂਨ ਭਾਰਤ ਵਿਕਾਸ ਪਰਿਸ਼ਦ ਦੀ ਸਿਟੀ ਬ੍ਰਾਂਚ ਵੱਲੋਂ ਬਾਬਾ ਬੰਦਾ ਸਿੰਘ ਬਹਾਦਰ ਦਾ ਸ਼ਹੀਦੀ ਦਿਹਾੜਾ ਮਨਾਇਆ ਗਿਆ। ਸਤਿੰਦਰ ਸਿੰਘ ਬੇਦੀ ਪ੍ਰੈਸ ਸਕੱਤਰ ਭਾਰਤ ਵਿਕਾਸ ਪ੍ਰੀਸ਼ਦ ਸਿਟੀ ਬਰਾਂਚ ਗੁਰਦਾਸਪੁਰ ਨੇ ਜਾਣਕਾਰੀ ਦਿੱਤੀ ਹੈ ਕਿ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦਾ ਸ਼ਹੀਦੀ ਦਿਹਾੜਾ ਸ਼ਾਮ 7 ਵਜੇ ਫਿਸ਼ ਪਾਰਕ ਦੇ ਬਾਹਰ ਬੰਦਾ ਸਿੰਘ ਬਹਾਦਰ ਪਾਰਕ ਵਿਖੇ ਮਨਾਇਆ ਜਾਵੇਗਾ। ਸ਼ਾਖਾ ਦੀ ਤਰਫੋਂ ਉਨ੍ਹਾਂ ਨੂੰ ਸ਼ਰਧਾਂ ਸੁਮਨ ਭੇਟ ਕੀਤੇ ਗਏ।
ਬੀ.ਬੀ.ਗੁਪਤਾ ਜੀ ਅਤੇ ਡਾ.ਐਸ.ਪੀ.ਸਿੰਘ ਨੇ ਬਾਬਾ ਬੰਦਾ ਬਹਾਦਰ ਦੇ ਜੀਵਨ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ। ਰਮੇਸ਼ ਸਲਹੋਤਰਾ ਸੀਨੀਅਰ ਮੀਤ ਪ੍ਰਧਾਨ ਨੇ ਆਏ ਹੋਏ ਸਾਰਿਆਂ ਦਾ ਧੰਨਵਾਦ ਕੀਤਾ। ਇਸ ਪ੍ਰੋਗਰਾਮ ਵਿੱਚ ਰਾਜੇਸ਼ ਸਲਹੋਤਰਾ ਚੇਅਰਮੈਨ ਤੋਂ ਇਲਾਵਾ ਬੀ.ਬੀ.ਗੁਪਤਾ, ਪ੍ਰੋਜੈਕਟ ਇੰਚਾਰਜ ਸੁਰਜੀਤ ਸਿੰਘ, ਡਾ.ਐਸ.ਪੀ.ਸਿੰਘ, ਗੁਰਮੁਖ ਸਿੰਘ, ਸ਼ਸ਼ੀ ਕਾਂਤ ਮਹਾਜਨ, ਰਮੇਸ਼ ਸਲਹੋਤਰਾ, ਸਤੀਸ਼ ਗੁਪਤਾ, ਲਲਿਤ ਕੁਮਾਰ, ਸਤਿੰਦਰ ਬੇਦੀ, ਲਲਿਤ ਮਲਹੋਤਰਾ, ਸਕੱਤਰ ਸ਼ੈਲੇਂਦਰ ਭਾਸਕਰ ਆਦਿ ਦੇ ਨਾਲ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਸ਼ਿਰਕਤ ਕੀਤੀ।
