ਮੁੰਬਈ, 15 ਜਨਵਰੀ – ਮੁੰਬਈ ਦੇ ਪਾਰੇਲ ਇਲਾਕੇ ਵਿੱਚ ਸਥਿਤ ਮਿਊਂਸੀਪਲ ਸਕੂਲ ਵਿੱਚ ਅੱਜ ਸਵੇਰੇ ਅੱਗ ਲੱਗ ਗਈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਘਟਨਾ ਵਿੱਚ ਕੋਈ ਜ਼ਖ਼ਮੀ ਨਹੀਂ ਹੋਇਆ, ਕਿਉਂਕਿ ਮਕਰ ਸੰਕ੍ਰਾਂਤੀ ਦੀ ਛੁੱਟੀ ਹੋਣ ਕਾਰਨ ਸਕੂਲ ਬੰਦ ਸੀ। ਇਕ ਅਧਿਕਾਰੀ ਨੇ ਕਿਹਾ ਕਿ ਮਿੰਟ ਕਾਲੋਨੀ ਮੋਰੋਰੇਲ ਸਟੇਸ਼ਨ ਦੇ ਸਾਹਮਣੇ ਸਥਿਤ ਪੰਜ ਮੰਜ਼ਿਲਾ ਸਾਈਬਾਬਾ ਸਕੂਲ ਵਿੱਚ ਅੱਜ ਸਵੇਰੇ ਕਰੀਬ 9.15 ਵਜੇ ਅੱਗ ਲੱਗੀ। ਅੱਗ ਬੁਝਾਊ ਗੱਡੀਆਂ ਨੂੰ ਤੁਰੰਤ ਸਕੂਲ ਭੇਜਿਆ ਗਿਆ ਅਤੇ 20 ਮਿੰਟਾਂ ਅੰਦਰ ਅੱਗ ਤੇ ਕਾਬੂ ਪਾ ਲਿਆ ਗਿਆ।
ਉਨ੍ਹਾਂ ਦੱਸਿਆ ਕਿ ਅੱਗ ਗਰਾਊਂਡ ਫਲੋਰ ਤੇ ਇਕ ਭੰਡਾਰ ਰੂਮ ਵਿੱਚ ਲੱਗੀ, ਜਿੱਥੇ ਗੱਦੇ ਰੱਖੇ ਹੋਏ ਸਨ। ਅੱਗ ਮੁੱਖ ਰੂਪ ਨਾਲ ਬਿਜਲੀ ਦੀਆਂ ਤਾਰਾਂ ਤੱਕ ਹੀ ਸੀਮਿਤ ਰਹੀ। ਅੱਗ ਲੱਗਣ ਦੇ ਅਸਲ ਕਾਰਨ ਦਾ ਅਜੇ ਪਤਾ ਨਹੀਂ ਲੱਗਾ ਹੈ ਪਰ ਇਲਾਕੇ ਦੇ ਕੁਝ ਵਾਸੀਆਂ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨੇ ਸਕੂਲ ਇਮਾਰਤ ਵਿੱਚ ਗੈਸ ਸਿਲੰਡਰ ਵਿੱਚ ਕਈ ਧਮਾਕਿਆਂ ਦੀ ਆਵਾਜ਼ ਸੁਣੀ ਸੀ। ਅੱਗ ਲੱਗਣ ਕਾਰਨ ਇਲਾਕੇ ਵਿੱਚ ਕਾਲੇ ਧੂੰਏਂ ਦੀ ਇਕ ਮੋਟੀ ਚਾਦਰ ਛਾ ਗਈ।
