ਉੱਤਰੀ ਸਿੱਕਮ ਵਿੱਚ ਹੜ੍ਹ ਕਾਰਨ 35 ਪਰਿਵਾਰ ਪ੍ਰਭਾਵਿਤ

ਗੰਗਟੋਕ, 29 ਜੂਨ ਉੱਤਰੀ ਸਿੱਕਮ ਜ਼ਿਲ੍ਹੇ ਦੇ ਉੱਪਰੀ ਦੋਂਗਜੂ ਖੇਤਰ ਵਿਚ ਆਏ ਹੜ੍ਹ ਵਿੱਚ 19 ਘਰ ਅਤੇ ਇਕ ਹੋਸਟਲ ਨੁਕਸਾਨਿਆ ਗਿਆ ਹੈ| ਇਕ ਅਧਿਕਾਰੀ ਨੇ ਇਸ ਸਬੰਧੀ ਜਾਣਕਾਰੀ ਸਾਂਝੀ ਕੀਤੀ|
ਉਨ੍ਹਾਂ ਦੱਸਿਆ ਕਿ ਹੜ੍ਹ ਕਾਰਨ 35 ਪਰਿਵਾਰ ਪ੍ਰਭਾਵਿਤ ਹੋਏ ਹਨ| ਉਹਨਾਂ ਕਿਹਾ ਕਿ ਪਿਛਲੇ ਕੁਝ ਦਿਨਾਂ ਵਿਚ ਭਾਰੀ ਮੀਂਹ ਕਾਰਨ ਆਏ ਹੜ੍ਹ ਨੇ ਪਾਸਦਿੰਗ ਪਿੰਡ ਅਤੇ ਇਸ ਦੇ ਨੇੜਲੇ ਇਲਾਕੇ ਵਿੱਚ ਨੁਕਸਾਨ ਪਹੁੰਚਾਇਆ ਹੈ| ਉਹਨਾਂ ਕਿਹਾ ਸਥਾਨਕ ਪ੍ਰਸ਼ਾਸਨ ਨੇ ਪ੍ਰਭਾਵਿਤ ਪਰਿਵਾਰਾਂ ਨੂੰ ਪਾਸਦਿੰਗ ਦੇ ਜਨਤਕ ਸਿਹਤ ਵਿਭਾਗ ਦੇ ਭਵਨ ਵਿੱਚ ਭੇਜ ਦਿੱਤਾ ਹੈ| ਜ਼ਿਲ੍ਹਾ ਮੈਜਿਸਟ੍ਰੇਟ ਤੇਨਜਿੰਗ ਟੀ ਕਾਲੇਨ ਅਤੇ ਪੁਲਸ ਸੁਪਰਡੈਂਟ ਆਂਗਮੂ ਭੂਟੀਆ ਨਾਲ ਦੋਂਗਜੂ ਹਲਕਾ ਖੇਤਰ ਦੇ ਵਿਧਾਇਕ ਪਿਨਸੋ ਨਾਮਗਿਆਲ ਲੇਪਚਾ ਨੇ ਪ੍ਰਭਾਵਿਤ ਇਲਾਕਿਆਂ ਦਾ ਦੌਰਾ ਕੀਤਾ ਹੈ|