ਅਮਰੀਕਾ, 29 ਨਵੰਬਰ – ਅਮਰੀਕੀ ਫੌਜ ਦਾ ਆਸਪ੍ਰੋ ਹੈਲੀਕਾਪਟਰ ਦੱਖਣੀ ਜਾਪਾਨ ਵਿੱਚ ਸਮੁੰਦਰ ਵਿੱਚ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਜਾਪਾਨ ਦੇ ਤਟ ਰੱਖਿਅਕ ਰਾਹਤ ਅਤੇ ਬਚਾਅ ਕਾਰਜਾਂ ਲਈ ਮੌਕੇ ਤੇ ਪਹੁੰਚ ਜਾਣਗੇ ਤੇ ਬਚਾਅ ਕਾਰਜ ਸ਼ੁਰੂ ਕਰਨਗੇ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਹੈਲੀਕਾਪਟਰ ਅਤੇ ਉਸ ਵਿੱਚ ਸਵਾਰ ਲੋਕਾਂ ਦੀ ਸਥਿਤੀ ਬਾਰੇ ਹਾਲੇ ਕੋਈ ਜਾਣਕਾਰੀ ਪ੍ਰਾਪਤ ਨਹੀਂ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ ਤਟ ਰੱਖਿਅਕਾਂ ਨੂੰ ਯਾਕੂਸ਼ਿਮਾ ਕੋਲ ਹਾਸਦੇ ਵਾਲੀ ਜਗ੍ਹਾ ਤੋਂ ਮੱਛੀ ਫੜ੍ਹਨ ਵਾਲੀ ਇਕ ਕਿਸ਼ਤੀ ਤੋਂ ਇਕ ਐਮਰਜੈਂਸੀ ਫ਼ੋਨ ਆਇਆ ਸੀ। ਇਸ ਹੈਲੀਕਾਪਟਰ ਬਾਰੇ ਇਹ ਵੀ ਪਤਾ ਨਹੀਂ ਲੱਗ ਸਕਿਆ ਕਿ ਇਹ ਕਿਸ ਅੱਡੇ ਤੋਂ ਆਇਆ ਸੀ, ਪਰ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਹ ਇਕਾਵੁਨੀ ਤੋਂ ਓਕੀਨਾਵਾ ਵੱਲ ਜਾ ਰਿਹਾ ਸੀ।
