ਮਥੁਰਾ, 29 ਨਵੰਬਰ-ਆਗਰਾ-ਦਿੱਲੀ ਹਾਈਵੇ ਤੇ ਬੀਤੀ ਦੇਰ ਰਾਤ ਪਲਵਲ ਤੋਂ ਛਾਤਾ ਇਲਾਕੇ ਵਿੱਚ ਬਰਾਤ ਆਈ ਸੀ। ਬਰਾਤੀ ਰਾਤ ਨੂੰ ਟਰੈਵਲਰ ਵਿਚ ਵਾਪਸ ਆ ਰਹੇ ਸਨ ਕਿ ਕੋਸੀ ਕਲਾਂ ਨੇੜੇ ਟਰੈਵਲਰ ਨੇ ਪਿੱਛਿਓਂ ਇਕ ਟਰੱਕ ਨੂੰ ਟੱਕਰ ਮਾਰ ਦਿੱਤੀ। ਇਸ ਵਿੱਚ ਚਾਰ ਵਿਅਕਤੀਆਂ ਦੀ ਮੌਤ ਹੋ ਗਈ, ਜਦੋਂਕਿ ਚਾਰ ਵਿਅਕਤੀ ਜ਼ਖ਼ਮੀ ਹੋ ਗਏ।
ਹਾਦਸਾ ਰਾਤ ਕਰੀਬ 12 ਵਜੇ ਵਾਪਰਿਆ। ਪਲਵਲ ਦੇ ਮੁਡਕਟੀ ਤੋਂ ਬਰਾਤ ਛਾਤਾ ਦੇ ਉਮਰਾਇਆ ਪਿੰਡ ਆਈ ਹੋਈ ਸੀ। ਹਾਈਵੇ ਤੇ ਕੋਸੀ ਕਲਾਂ ਨੇੜੇ ਟ੍ਰੈਵਲਰ ਦੀ ਟਰੱਕ ਨਾਲ ਟੱਕਰ ਕਾਰਨ ਟ੍ਰੈਵਲਰ ਵਿੱਚ ਸਵਾਰ ਅੱਠ ਵਿਅਕਤੀ ਜ਼ਖ਼ਮੀ ਹੋ ਗਏ। ਇਨ੍ਹਾਂ ਵਿਚ ਪਲਵਲ ਦੇ ਔਰੰਗਾਬਾਦ ਗੋਪਾਲਗੜ੍ਹ ਵਾਸੀ ਧਰੁਵ, ਚੁੰਨੀਲਾਲ, ਸ਼ਿਆਮ ਅਤੇ ਦਲਵੀਰ ਸਿੰਘ ਦੀ ਇਲਾਜ ਦੌਰਾਨ ਮੌਤ ਹੋ ਗਈ। ਸਵਾਰ ਯਾਤਰੀ ਮੋਹਿਤ, ਰੋਹਨ, ਉਸ ਦੇ ਪਿਤਾ ਰੋਹਤਾਸ਼ ਅਤੇ ਨਵੀਨ ਜ਼ਖਮੀ ਹੋ ਗਏ। ਪੁਲੀਸ ਨੇ ਵਾਹਨਾਂ ਨੂੰ ਪਾਸੇ ਕਰ ਕੇ ਆਵਾਜਾਈ ਨੂੰ ਸੁਚਾਰੂ ਕਰਵਾਇਆ।
