ਬਹਿਸ ਪ੍ਰੋਗਰਾਮ ‘ਚ ਪੰਜਾਬੀਆਂ ਅਤੇ ਮੀਡੀਆ ਦੇ ਦਾਖਲੇ ’ਤੇ ਪਾਬੰਦੀ ਲਗਾ ਦਿੱਤੀ : ਮਜੀਠੀਆ

ਚੰਡੀਗੜ੍ਹ, 1 ਨਵੰਬਰ 2023 : ਅੱਜ ਪੰਜਾਬ ‘ਚ ਹੋਣ ਜਾ ਰਹੀ ਵਿਸ਼ਾਲ ਬਹਿਸ ‘ਮੈਂ ਪੰਜਾਬ ਬੋਲਦਾ ਹਾਂ’ ‘ਚ ਕੌਣ ਭਾਗ ਲਵੇਗਾ, ਇਸ ਨੂੰ ਲੈ ਕੇ ਅਜੇ ਭੰਬਲਭੂਸਾ ਬਣਿਆ ਹੋਇਆ ਹੈ।
ਇਸ ਦੌਰਾਨ ਅਕਾਲੀ ਲੀਡਰ ਬਿਕਰਮ ਮਜੀਠੀਆ ਨੇ ਟਵੀਟ ਕਰਦਿਆਂ ਲਿਖਿਆ ਹੈ ਕਿ, ਭਗਵੰਤ ਮਾਨ ਜੀਓ….ਇਕ ਵਾਰ ਫਿਰ ਤੋਂ ਤੁਹਾਡਾ ਦੋਗਲਾ ਚੇਹਰਾ ਪੰਜਾਬੀਆਂ ਸਾਹਮਣੇ ਹੈ…ਤੁਸੀਂ ਹਮੇਸ਼ਾ ਕਹਿੰਦੇ ਕੁਝ ਹੋ, ਕਰਦੇ ਕੁਝ ਹੋ…ਪੰਜਾਬੀਆਂ ਨੂੰ ਬਹਿਸ ਲਈ ਸੱਦਾ ਦੇ ਕੇ ਹੁਣ ਤੁਸੀਂ ਪੰਜਾਬੀਆਂ ਅਤੇ ਮੀਡੀਆ ਦੇ ਦਾਖਲੇ ’ਤੇ ਸਖ਼ਤ ਪਾਬੰਦੀ ਲਗਾ ਦਿੱਤੀ ਹੈ…ਲੁਧਿਆਣਾ ਨੂੰ ਪੁਲਿਸ ਛਾਉਣੀ ਬਣਾ ਕੇ ਰੱਖ ਦਿੱਤਾ…ਪੰਜਾਬ ਦਿਵਸ ’ਤੇ ਤੁਹਾਡੇ ਵੱਲੋਂ ਸਿਰਜਿਆ ਕਾਲਾ ਦਿਵਸ ਹਮੇਸ਼ਾ ਪੰਜਾਬੀ ਯਾਦ ਰੱਖਣਗੇ