Yuba City ਵਿਖੇ ਨਗਰ ਕੀਰਤਨ ਦੌਰਾਨ ਹਮਲਾ ਕਰਨ ਵਾਲੇ ਨੇ ਜ਼ੁਰਮ ਕਬੂਲਿਆ

ਯੂਬਾ ਸਿਟੀ, 12 ਅਕਤੂਬਰ, 2023: ਅਮਰੀਕਾ ਦੇ ਕੈਲੇਫੋਰਨੀਆਂ ਸੂਬੇ ਦੇ ਯੂਬਾ ਸਿਟੀ ਵਿਚ 4 ਨਵੰਬਰ 2018 ਨੂੰ ਨਗਰ ਕੀਰਤਨ ਦੌਰਾਨ ਹਮਲਾ ਕਰਨ ਵਾਲੇ ਪਰਮਵੀਰ ਸਿੰਘ ਗੋਸਲ ਨੇ ਆਪਣਾ ਜ਼ੁਰਮ ਕਬੂਲ ਕਰ ਲਿਆ ਹੈ। ਗੋਸਲ ਤੇ ਸਾਥੀਆਂ ਵੱਲੋਂ ਕੀਤੇ ਹਮਲੇ ਵਿਚ ਇਕ ਵਿਅਕਤੀ ਗੰਭੀਰ ਜ਼ਖ਼ਮੀ ਹੋ ਗਿਆ ਸੀ।
ਇਸ ਮਗਰੋਂ ਗੋਸਲ ਤੇ ਸਾਥੀਆਂ ਨੇ 8 ਜੂਨ 2019 ਨੂੰ ਇਸ ਘਟਨਾ ਦੇ ਗਵਾਹ ’ਤੇ ਲੇਥਰੋਪ ਸ਼ਹਿਰ ਵਿਚ ਹਮਲਾ ਕਰ ਕੇ ਉਸਦੀ ਕੁੱਟਮਾਰ ਕੀਤੀ ਸੀ ਤੇ ਉਸਨੂੰ ਬੇਹੋਸ਼ ਕਰ ਕੇ ਭੱਜ ਗਏ ਸਨ।
ਗੋਸਲ ਨੂੰ 29 ਜਨਵਰੀ 2023 ਨੂੰ ਸਜ਼ਾ ਸੁਣਾਈ ਜਾਵੇਗੀ। ਜ਼ਿਲ੍ਹਾ ਅਟਾਰਨੀ ਦਫਤਰ ਮੁਤਾਬਕ ਗੋਸਲ ਨੂੰ 17 ਸਾਲ ਤੇ 8 ਮਹੀਨੇ ਤੱਕ ਦੀ ਸਜ਼ਾ ਹੋ ਸਕਦੀ ਹੈ। ਗੋਸਲ ਦੇ ਸਾਥੀ ਮਨਪ੍ਰੀਤ ਸਿੰਘ ਨੂੰ ਪਹਿਲਾਂ ਹੀ ਇਰਾਦਾ ਕਤਲ ਦੇ ਦੋਸ਼ ਹੇਠ 8 ਸਾਲ ਦੀ ਸਜ਼ਾ ਹੋ ਚੁੱਕੀ ਹੈ।