ਵਿਜੇਨਗਰ, 10 ਅਕਤੂਬਰ – ਕਰਨਾਟਕ ਦੇ ਵਿਜੇਨਗਰ ਜ਼ਿਲ੍ਹੇ ਵਿਚ ਹੋਸਪੇਟ ਸ਼ਹਿਰ ਦੇ ਬਾਹਰੀ ਇਲਾਕੇ ਵਿੱਚ ਸੁਰੰਗ ਦੇ ਕੋਲ ਦੋ ਮਾਈਨਿੰਗ ਟਿੱਪਰ ਲਾਰੀਆਂ ਦੇ ਇਕ ਕਾਰ ਨਾਲ ਟਕਰਾ ਜਾਣ ਕਾਰਨ ਇਕ ਬੱਚੇ ਸਣੇ 7 ਵਿਅਕਤੀਆਂ ਦੀ ਮੌਤ ਹੋ ਗਈ, ਜਦਕਿ 6 ਹੋਰ ਜ਼ਖਮੀ ਹੋ ਗਏ।
ਵਿਜੇਨਗਰ ਦੇ ਐਸ ਪੀ ਸ੍ਰੀਹਰੀ ਬਾਬੂ ਅਨੁਸਾਰ ਮ੍ਰਿਤਕਾਂ ਦੀ ਪਛਾਣ ਹੋਸਪੇਟ ਸਿਟੀ ਨਿਵਾਸੀ ਉਮਾ, ਕੇਂਚਵਵਾ, ਭਾਗਿਆ, ਅਨੀਲਾ, ਗੋਨੀ ਬਸੱਪਾ, ਭੀਮਲਿੰਗੱਪਾ ਅਤੇ ਬਾਲਕਾ ਯੁਵਰਾਜਾ ਵਜੋਂ ਹੋਈ ਹੈ। ਪੁਲੀਸ ਨੇ ਦੱਸਿਆ ਕਿ ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਕਾਰ ਵਿਜੇਨਗਰ ਜ਼ਿਲ੍ਹੇ ਦੇ ਹੜਪਨਹੱਲੀ ਤਾਲੁਕ ਵਿਚ ਕੂਲਾਹੱਲੀ ਗੋਨੀ ਬਸਵੇਸ਼ਵਾਰਾ ਮੰਦਰ ਤੋਂ ਵਾਪਸ ਆ ਰਹੀ ਸੀ।
ਪੁਲੀਸ ਨੇ ਕਿਹਾ ਕਾਰ ਵਿਚ 13 ਵਿਅਕਤੀ ਸਵਾਰ ਸਨ ਅਤੇ ਜ਼ਖਮੀਆਂ ਦੀ ਹਾਲਤ ਨਾਜ਼ੁਕ ਹੈ। ਜ਼ਖਮੀਆਂ ਨੂੰ ਸਰਕਾਰੀ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਹੈ। ਪੁਲੀਸ ਨੇ ਅੱਗੇ ਦੱਸਿਆ ਕਿ ਹੋਰ ਵੇਰਵਿਆਂ ਦੀ ਉਡੀਕ ਕੀਤੀ ਜਾ ਰਹੀ ਹੈ।
