ਐਸ ਏ ਐਸ ਨਗਰ, 9 ਅਕਤੂਬਰ – ਰੈਜੀਡੈਂਸ ਵੈਲਫੇਅਰ ਸੋਸਾਇਟੀ ਦਾ ਵਫਦ ਰਾਜਵਿੰਦਰ ਸਿੰਘ ਸਰਾਓ ਦੀ ਅਗਵਾਈ ਵਿੱਚ ਹਲਕਾ ਮੁਹਾਲੀ ਦੇ ਐਮ ਐਲ ਏ ਕੁਲਵੰਤ ਸਿੰਘ ਨੂੰ ਮਿਲਿਆ ਅਤੇ ਵਸਨੀਕਾਂ ਦੀਆਂ ਸਮੱਸਿਆਵਾਂ ਸੰਬੰਧੀ ਮੰਗ ਪੱਤਰ ਦਿੱਤਾ।
ਵਫਦ ਨੇ ਸz. ਕੁਲਵੰਤ ਸਿੰਘ ਨੂੰ ਦੱਸਿਆ ਕਿ ਟੀ ਡੀ ਆਈ ਬਨੂੜ ਸੜਕ ਨੂੰ ਪਾਰ ਕਰਦਿਆਂ ਬਹੁਤ ਸਾਰੀਆਂ ਸਮੱਸਿਆਵਾਂ ਦਾ ਸਹਾਮਣਾ ਕਰਨਾ ਪੈਂਦਾ ਹੈ ਕਿਉਂਕਿ ਇਨ੍ਹਾਂ ਸੈਕਟਰਾਂ ਦੇ ਵਸਨੀਕ ਨੂੰ ਆਉਣ ਜਾਣ ਲਈ ਮੁਹਾਲੀ ਤੇ ਚੰਡੀਗੜ੍ਹ ਨਾਲ ਕੋਈ ਵੀ ਸਿੱਧੀ ਸੰਪਰਕ ਸੜਕ ਨਹੀਂ ਹੈ। ਐਸੋਸੀਏਸ਼ਨ ਨੇ ਮੰਗ ਕੀਤੀ ਕਿ 95-96 ਸੈਕਟਰ ਨੂੰ ਵੰਡਦੀ ਸੜਕ ਪਹਿਲ ਦੇ ਆਧਾਰ ਤੇ ਬਣਾਈ ਜਾਵੇ। ਇਸ ਦੇ ਨਾਲ ਨਾਲ 94-95 ਅਤੇ 96-97 ਦੀਆਂ ਸੜਕਾਂ ਬਣਾਉਣ ਅਤੇ ਟੀ ਡੀ ਆਈ ਦੇ ਮੇਨ ਗੇਟ ਕੋਲ ਸਰਵਿਸ ਰੋਡ ਬਣਾਉਣ ਦੀ ਮੰਗ ਵੀ ਕੀਤੀ ਗਈ।
ਸੋਸਾਇਟੀ ਦੇ ਮੀਤ ਪ੍ਰਧਾਨ ਜਸਵੀਰ ਸਿੰਘ ਗੜਾਂਗ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਹਲਕਾ ਵਿਧਾਇਕ ਨੇ ਮੌਕੇ ਤੇ ਹੀ ਸਬੰਧਿਤ ਅਫਸਰਾਂ ਨੂੰ ਫੋਨ ਕਰਕੇ ਇਨ੍ਹਾਂ ਸੜਕਾਂ ਨੂੰ ਬਣਾਉਣ ਲਈ ਕਾਰਵਾਈ ਤੇਜ਼ ਕਰਨ ਲਈ ਕਿਹਾ।
ਸz. ਗੜ੍ਹਾਂਗ ਨੇ ਕਿਹਾ ਕਿ ਟੀ ਡੀ ਆਈ ਦੇ ਇਨ੍ਹਾਂ ਸੈਕਟਰਾਂ ਵਿੱਚ ਬਿਲਡਰ ਵੱਲੋਂ ਰੈਵੀਨਿਊ ਰਸਤਿਆਂ ਦਾ ਕੋਈ ਵੀ ਹੱਲ ਨਹੀਂ ਕੀਤਾ ਜਾ ਰਿਹਾ ਅਤੇ ਲੱਗਭਗ 800-900 ਫਲੈਟਾਂ ਨੂੰ ਆਰਜ਼ੀ ਰਸਤਾ ਦੇ ਕੇ ਕੰਮ ਚਲਾਇਆ ਜਾ ਰਿਹਾ ਹੈ ਜੋ ਕਿ ਕਿਸੇ ਦੀ ਨਿੱਜੀ ਪ੍ਰਾਪਰਟੀ ਦੇ ਬਣਿਆ ਹੋਇਆ ਹੈ ਅਤੇ ਕਿਸੇ ਵੀ ਸਮੇਂ ਬੰਦ ਹੋ ਸਕਦਾ ਹੈ। ਵਫਦ ਵੱਲੋਂ ਮੰਗ ਕੀਤੀ ਗਈ ਕਿ ਇਨ੍ਹਾਂ ਸੈਕਟਰਾਂ ਦੇ ਰੈਵੀਨਿਊ ਰਸਤਿਆਂ ਦਾ ਨਿਪਟਾਰਾ ਕੀਤਾ ਜਾਵੇ ਅਤੇ ਇਨ੍ਹਾਂ ਸੈਕਟਰਾਂ ਦੇ ਵਿਚਕਾਰ ਦਸ ਕੁ ਫੀਸਦੀ ਜੋ ਜ਼ਮੀਨ ਬਿਲਡਰ ਵੱਲੋਂ ਨਹੀਂ ਖਰੀਦੀ ਗਈ, ਉਸ ਨੂੰ ਗਮਾਡਾ ਅਕਵਾਇਰ ਕਰੇ। ਟੀ ਡੀ ਆਈ ਵਿੱਚ ਮੁਹੱਲਾ ਕਲੀਨਿਕ ਖੋਲਣ ਦੀ ਮੰਗ ਵੀ ਕੀਤੀ ਗਈ।
ਇਸ ਮੌਕੇ ਗੁਲਜ਼ਾਰ ਸਿੰਘ ਲਾਂਡਰਾਂ, ਏ ਐਸ ਸੇਖੋਂ, ਸਾਧੂ ਸਿੰਘ, ਮਨੋਹਰ ਲਾਲ ਸ਼ਰਮਾ, ਅਰਵਿੰਦ, ਐਡਵੋਕੇਟ ਅਸ਼ੋਕ, ਗਗਨਦੀਪ ਸਿੰਘ, ਬੰਤ ਸਿੰਘ ਭੁੱਲਰ, ਪਰਮਿੰਦਰ ਸਿੰਘ, ਨੀਰੂ ਬਾਲਾ, ਤਨੂ ਅਗਰਵਾਲ, ਮਾਸਟਰ ਸੁਰਮੁੱਖ ਸਿੰਘ, ਹਰਮਿੰਦਰ ਸਿੰਘ ਸੋਹੀ, ਸੁਖਬੀਰ ਸਿੰਘ ਢਿੱਲੋਂ , ਸੰਦੀਪ ਸ਼ਰਮਾ, ਮੋਹਿਤ ਮਦਾਨ, ਅਰੁਣ ਕੁਮਾਰ, ਗੁਰਬਚਨ ਸਿੰਘ ਮੰਡੇਰ, ਗੁਰਦੇਵ ਸਿੰਘ, ਸਿਕੰਦਰ ਸਿੰਘ, ਹਰਪਾਲ ਸਿੰਘ, ਪਰਦੀਪ ਵਰਮਾ, ਜਸਬੀਰ ਸਿੰਘ, ਜਗਦੀਪ ਸਿੰਘਠ ਗੁਰਸੇਵਕ ਸਿੰਘ, ਬਾਲ ਕ੍ਰਿਸ਼ਨ ਸਿੰਘ, ਅਮਰਜੀਤ ਸਿੰਘ ਧਨੋਆ ਅਤੇ ਹੋਰ ਵਸਨੀਕ ਹਾਜ਼ਰ ਸਨ।
