ਜਰਮਨੀ ਵਿੱਚ ਆਪਣੀ ਫੌਜੀ ਤਾਕਤ ਘੱਟ ਕਰੇਗਾ ਅਮਰੀਕਾ : ਟਰੰਪ

ਵਾਸ਼ਿੰਗਟਨ, 25 ਜੂਨ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਉਹ ਜਰਮਨੀ ਵਿੱਚ ਆਪਣੀ ਫੌਜ ਘੱਟ ਕਰਨ ਜਾ ਰਹੇ ਹਨ ਤੇ ਇਸ ਫੌਜ ਨੂੰ ਉਹ ਪੋਲੈਂਡ ਭੇਜਣਗੇ ਅਤੇ ਪੋਲੈਂਡ ਵਧੀਕ ਅਮਰੀਕੀ ਫੌਜੀਆਂ ਦੀ ਮੌਜੂਦਗੀ ਲਈ ਭੁਗਤਾਨ ਕਰਨ ਨੂੰ ਤਿਆਰ ਹੈ|
ਟਰੰਪ ਨੇ ਪੋਲੈਂਡ ਦੇ ਰਾਸ਼ਟਰਪਤੀ ਆਂਦਰੇਜ ਦੂਦਾ ਨਾਲ ਸੰਯੁਕਤ ਪੱਤਰਕਾਰ ਸੰਮੇਲਨ ਵਿੱਚ ਕਿਹਾ ਕਿ ਪੋਲੈਂਡ ਸਾਡੇ ਤੋਂ ਪੁੱਛ ਰਿਹਾ ਹੈ ਕਿ ਕੀ ਅਸੀਂ ਵਾਧੂ ਫੌਜ ਭੇਜਾਂਗੇ ਤਾਂ ਉਹ ਹੋਰ ਫ਼ੌਜੀਆਂ ਨੂੰ ਭੇਜਣ ਲਈ ਭੁਗਤਾਨ ਕਰਨਗੇ ਅਤੇ ਅਸੀਂ ਜਰਮਨੀ ਤੋਂ ਪੋਲੈਂਡ ਫੌਜੀਆਂ ਨੂੰ ਭੇਜਾਂਗੇ|
ਜ਼ਿਕਰਯੋਗ ਹੈ ਕਿ ਪਿਛਲੇ ਹਫਤੇ ਟਰੰਪ ਨੇ ਕਿਹਾ ਸੀ ਕਿ ਅਮਰੀਕਾ ਜਰਮਨੀ ਵਿੱਚ ਮੌਜੂਦ ਆਪਣੇ 52,000 ਫੌਜੀਆਂ ਦੀ ਗਿਣਤੀ ਘਟਾ ਕੇ 25,000 ਕਰ ਦੇਵੇਗਾ| ਟਰੰਪ ਨੇ ਕਿਹਾ ਕਿ ਜਰਮਨੀ ਵਿਚੋਂ ਕੁਝ ਫ਼ੌਜੀ ਵਾਪਸ ਅਮਰੀਕਾ ਆਉਣਗੇ ਤੇ ਕੁੱਝ ਹੋਰ ਥਾਵਾਂ ਤੇ ਤਾਇਨਾਤ ਹੋਣਗੇ, ਜਿਨ੍ਹਾਂ ਵਿਚੋਂ ਇਕ ਥਾਂ ਪੋਲੈਂਡ ਹੈ| ਬਾਕੀ ਯੂਰਪ ਵਿੱਚ ਹਨ|
ਉਨ੍ਹਾਂ ਕਿਹਾ ਕਿ ਜਰਮਨੀ ਪਾਈਪਲਾਈਨ ਨਾਲ ਰੂਸ ਤੋਂ ਊਰਜਾ ਖਰੀਦਣ ਲਈ ਅਰਬਾਂ ਡਾਲਰ ਦਾ ਭੁਗਤਾਨ ਕਰ ਰਿਹਾ ਹੈ|