ਚੰਡੀਗੜ੍ਹ, 19 ਅਗਸਤ – ਟ੍ਰਾਈਸਿਟੀ ਦੇ ਸਭ ਤੋਂ ਪੁਰਾਣੇ ਫੋਟੋਗ੍ਰਾਫੀ ਕਲੱਬ ਫੋਟੋਗ੍ਰਾਫਿਕ ਸੋਸਾਇਟੀ ਆਫ ਚੰਡੀਗੜ੍ਹ ਵੱਲੋਂ ਵਿਸ਼ਵ ਫੋਟੋਗ੍ਰਾਫੀ ਦਿਵਸ ਦੇ ਸੰਬੰਧ ਵਿੱਚ ਸਥਾਨਕ ਸਾਈਕਲਿੰਗ ਗਰੁੱਪ ਸਾਈਕਲਗੜ੍ਹ ਦੇ ਸਹਿਯੋਗ ਨਾਲ ਫੋਟੋ ਵਾਕ ਦਾ ਆਯੋਜਨ ਕੀਤਾ ਗਿਆ।
ਫੋਟੋਗ੍ਰਾਫਿਕ ਸੋਸਾਇਟੀ ਆਫ ਚੰਡੀਗੜ੍ਹ ਦੇ ਪ੍ਰਧਾਨ ਸ੍ਰੀ ਦਿਨੇਸ਼ ਵਰਮਾ ਨੇ ਦੱਸਿਆ ਕਿ ਫੋਟੋ ਵਾਕ ਵਿੱਚ 17 ਸਾਈਕਲਿਸਟਾਂ ਅਤੇ ਸੁਸਾਇਟੀ ਦੇ 13 ਮੈਂਬਰਾਂ ਨੇ ਭਾਗ ਲਿਆ ਅਤੇ ਇਸ ਦੌਰਾਨ ਸਾਈਕਲਿਸਟਾਂ ਦੀਆਂ ਐਕਸ਼ਨ ਫੋਟੋਆਂ ਖਿੱਚੀਆਂ ਗਈਆਂ। ਉਹਨਾਂ ਦੱਸਿਆ ਕਿ ਸੁਖਨਾ ਝੀਲ ਤੋਂ ਸਵੇਰੇ 6 ਵਜੇ ਆਰੰਭ ਹੋਈ ਇਹ ਫੋਟੋ ਵਾਕ ਸਵੇਰੇ 8:30 ਵਜੇ ਸੈਕਟਰ 7, ਚੰਡੀਗੜ੍ਹ ਵਿਖੇ ਚਾਏ ਪੇ ਚਰਚਾ ਤੇ ਜਾ ਕੇ ਸਮਾਪਤ ਹੋਈ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਡਾ. ਉਪਨੀਤ ਲਾਲੀ (ਸਕੱਤਰ), ਡਾ.ਐਸ.ਐਸ.ਭਮਰਾ (ਸਰਪ੍ਰਸਤ), ਯਸ਼ਿੰਦਰ ਬਾਹਗਾ, ਪ੍ਰੋ. ਐਮ.ਐਸ.ਸੇਖੋਂ, ਸੰਜੇ ਕੌਸ਼ਲ, ਵਿਜੇਂਦਰ ਤ੍ਰਿਗਾਠੀਆ, ਸ਼ਿਰੀਨ ਸੇਠ ਸਿੰਘ, ਰੇਖਾ ਚੰਦਰ, ਖੁਸ਼ਜੀਵ ਸੇਠੀ, ਗਗਨਦੀਪ ਮਠਾਰੂ, ਸਾਹਿਬ ਪਰਮਾਰ ਅਤੇ ਜਗਜੀਤ ਸਿੰਘ ਵੀ ਹਾਜਿਰ ਸਨ।
