ਪੱਛਮੀ ਬੰਗਾਲ : ਤ੍ਰਿਣਾਮੂਲ ਕਾਂਗਰਸ ਦੇ ਵਿਧਾਇਕ ਦੀ ਕੋਰੋਨਾ ਨਾਲ ਮੌਤ

ਕੋਲਕਾਤਾ, 24 ਜੂਨ, 2020 : ਤ੍ਰਿਣਾਮੂਲ ਕਾਂਗਰਸ ਦੇ ਵਿਧਇਕ ਤਾਮੋਨਾਸ਼ ਗੋਸ਼ ਦੀ ਕੋਰੋਨਾ ਨਾਲ ਮੌਤ ਹੋ ਗਈ ਹੈ। ਉਹ 60 ਸਾਲਾਂ ਦੇ ਸਨ। ਦੱਖਣੀ 24 ਪਰਗਨਾ ਜ਼ਿਲ•ੇ ਦੀ ਫਲਟਾ ਵਿਧਾਨ ਸਭਾ ਸੀਟ ਤੋਂ ਤਿੰਨ ਵਾਰ ਵਿਧਾਇਕ ਚੁਣੇ ਗਏ ਘੋਸ਼ ਨੂੰ ਪਿਛਲੇ ਮਹੀਨੇ ਕੋਰੋਨਾ ਪਾਜ਼ੀਟਿਵ ਹੋਣ ‘ਤੇ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਸੀ। ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਇਕ ਟਵੀਟ ਰਾਹੀਂ ਕਿਹਾ ਕਿ ਬਹੁਤ ਹੀ ਦੁੱਖ ਦੀ ਗੱਲ ਹੈ ਕਿ ਸਾਡੇ 3 ਵਾਰ ਦੇ ਵਿਧਾਇਕ ਤੇ 1998 ਤੋਂ ਪਾਰਟੀ ਦੇ ਖਜ਼ਾਨਚੀ ਅੱਜ ਸਾਨੂੰ ਛੱਡ ਗਏ ਹਨ। ਉਹ 35 ਸਾਲਾਂ ਤੋਂ ਸਾਡੇ ਨਾਲ ਸਨ ਤੇ ਲੋਕਾਂ ਤੇ ਪਾਰਟੀ ਵਾਸਤੇ ਸਮਰਪਿਤ ਸਨ। ਉਹਨਾਂ ਬਹੁਤ ਚੰਗੀ ਸਮਾਜ ਸੇਵਾ ਵੀ ਕੀਤੀ। ਉਹ ਆਪਣੇ ਪਤਨੀ ਤੇ ਦੋ ਧੀਆਂ ਛੱਡ ਗਏ ਹਨ।