ਨੇਪਾਲ: ਲਾਪਤਾ ਹੋਏ ਜਹਾਜ਼ ਦਾ ਮਿਲਿਆ ਮਲਬਾ

ਕਾਠਮੰਡੂ, 11 ਜੁਲਾਈ – ਨੇਪਾਲ ਪੁਲੀਸ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਅੱਜ ਸਵੇਰੇ ਲਾਪਤਾ ਹੋਏ ਹੈਲੀਕਾਪਟਰ ਦਾ ਸਰਚ ਟੀਮ ਦਾ ਮਲਬਾ ਲੱਭ ਲਿਆ ਹੈ, ਇਸ ਵਿਚੋਂ ਪੰਜ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਪੁਲੀਸ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਹੈਲੀਕਾਪਟਰ ਲਿੱਖੂ ਪੀਕੇ ਗ੍ਰਾਮ ਸਭਾ ਅਤੇ ਦੁਧਕੁੰਡਾ ਨਗਰਪਾਲਿਕਾ-2 ਦੀ ਸਰਹੱਦ ਤੇ ਮਿਲਿਆ ਹੈ। ਕੋਸ਼ੀ ਸੂਬੇ ਦੇ ਪੁਲੀਸ ਡੀ.ਆਈ.ਜੀ. ਰਾਜੇਸ਼ਨਾਥ ਬਸਤੋਲਾ ਨੇ ਦੱਸਿਆ ਕਿ ਪਿੰਡ ਵਾਸੀਆਂ ਨੇ ਪੰਜ ਲਾਸ਼ਾਂ ਬਰਾਮਦ ਕਰ ਲਈਆਂ ਹਨ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਹੈਲੀਕਾਪਟਰ ਪਹਾੜੀ ਦੀ ਚੋਟੀ ਤੇ ਇਕ ਦਰੱਖ਼ਤ ਨਾਲ ਟਕਰਾ ਕੇ ਹਾਦਸਾਗ੍ਰਸਤ ਹੋ ਗਿਆ ਸੀ। ਬਰਾਮਦ ਕੀਤੀਆਂ ਲਾਸ਼ਾਂ ਦੀ ਪਛਾਣ ਅਜੇ ਤੱਕ ਨਹੀਂ ਹੋ ਸਕੀ ਹੈ।