ਐਸ ਏ ਐਸ ਨਗਰ, 27 ਦਸੰਬਰ- ਜੀਰਕਪੁਰ ਪੁਲੀਸ ਵੱਲੋਂ ਐਨ. ਡੀ. ਪੀ. ਐਸ ਐਕਟ ਦਾ ਭਗੋੜਾ ਦੋਸ਼ੀ ਗ੍ਰਿਫਤਾਰ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਮੁੱਖ ਅਫਸਰ ਥਾਣਾ ਜੀਰਕਪੁਰ ਇੰਸਪੈਕਟਰ ਉਕਾਂਰ ਸਿੰਘ ਬਰਾੜ ਨੇ ਦੱਸਿਆ ਕਿ ਸਹਾਇਕ ਥਾਣੇਦਾਰ ਰਮੇਸ ਲਾਲ ਦੀ ਟੀਮ ਵੱਲੋ ਐਨ.ਡੀ.ਪੀ.ਐਕਟ ਦੀਆ ਧਾਰਾਵਾਂ ਤਹਿਤ ਦਰਜ ਮੁਕੱਦਮਾ ਵਿਚ ਭਗੋੜੇ ਦੋਸ਼ੀ ਸਬਰੇ ਆਲਮ ਵਾਸੀ ਪਿੰਡ ਬਿਛੋਲੀ ਥਾਣਾ ਅਨਾਇਤ ਨਗਰ ਤਹਿਸੀਲ ਬੀਕਾਪੁਰ ਜਿਲ੍ਹਾ ਫੈਜਾਬਾਦ ਯੂ.ਪੀ ਹਾਲ ਵਾਸੀ ਝੂੰਗੀਆ ਨੇੜੇ ਜੇ.ਪੀ ਹਸਪਤਾਲ ਜੀਰਕਪੁਰ ਨੂੰ ਗ੍ਰਿਫਤਾਰ ਕਰਨ ਵਿਚ ਕਾਮਯਾਬੀ ਹਾਸਲ ਕੀਤੀ ਗਈ ਹੈ।
ਉਹਨਾਂ ਦੱਸਿਆ ਕਿ ਗ੍ਰਿਫਤਾਰ ਵਿਅਕਤੀ ਸਬਰੇ ਆਲਮ ਮਾਨਯੋਗ ਅਦਾਲਤ ਵੱਲੋ ਬੀਤੀ 16 ਸਤੰਬਰ ਨੂੰ ਭਗੋੜਾ ਕਰਾਰ ਦਿੱਤਾ ਗਿਆ ਸੀ। ਗ੍ਰਿਫਤਾਰ ਵਿਅਕਤੀ ਨੂੰ ਮਾਨਯੋਗ ਅਦਾਲਤ ਵਿਚ ਪੇਸ਼ ਕਰਕੇ ਅਗਲੀ ਕਾਰਵਾਈ ਅਮਲ ਵਿਚ ਲਿਆਂਦੀ ਜਾਵੇਗੀ।
