ਰਾਜਪੁਰਾ, 14 ਅਕਤੂਬਰ 2021 – ਉੱਘੇ ਪੱਤਰਕਾਰ ਅਤੇ ਚੜਦੀਕਲਾ ਟਾਈਮ ਟੀਵੀ ਦੇ ਡਾਇਰੈਕਟਰ ਸ.ਅੰਮ੍ਰਿਤਪਾਲ ਸਿੰਘ ਨੇ ਹਾਲ ਹੀ ਵਿੱਚ ਗੁਰੂ ਤੇਗ ਬਹਾਦਰ ਸਾਹਿਬ ਦੇ 400 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਨੌਜਵਾਨ ਲੇਖਕ ਡਾ. ਪ੍ਰਭਲੀਨ ਸਿੰਘ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਪੁਸਤਕ”ਸ਼ਾਈਨਿੰਗ ਸਿੱਖ ਯਯੂਥ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਭੇਟ ਕੀਤੀ ਗਈ।
ਜ਼ਿਕਰਯੋਗ ਹੈ ਕਿ ਇਸ ਕਿਤਾਬ ਵਿੱਚ ਭਾਰਤ ਦੇ ਉਨ੍ਹਾਂ 100 ਸਿੱਖ ਨੌਜਵਾਨਾਂ ਨੂੰ ਲਿਆ ਗਿਆ ਹੈ ਜਿਨ੍ਹਾ ਨੇ ਵੱਖ ਵੱਖ ਖੇਤਰਾਂ ਵਿੱਚ ਮੱਲਾਂ ਮਾਰੀਆਂ ਹਨ। ਭਾਰਤ ਦੇ ਪੰਜ ਸਿੱਖ ਪੱਤਰਕਾਰਾਂ ਨੂੰ ਇਸ ਕਿਤਾਬ ਅੰਦਰ ਨਾਮ ਅਤੇ ਸੰਖੇਪ ਜੀਵਨੀ ਦਰਜ਼ ਕਰਵਾਉਣ ਦਾ ਮਾਣ ਪ੍ਰਾਪਤ ਹੋਇਆ ਹੈ।
ਇਹ ਪੰਜ ਸਿੱਖ ਨੌਜਵਾਨ ਹਨ, ਅਦਾਰਾ ਚੜਦੀਕਲਾ ਤੋਂ .ਅੰਮ੍ਰਿਤਪਾਲ ਸਿੰਘ, ਅਦਾਰਾ ਅਜੀਤ ਤੋਂ ਗੁਰਜੋਤ ਕੌਰ, ਸਰਵਿੰਦਰ ਕੌਰ, ਅਦਾਰਾ ਜੱਗਬਾਣੀ ਤੋਂ ਰਮਨ ਸੋਢੀ ਅਤੇ ਪੀ ਟੀ ਸੀ ਤੋਂ ਹਰਪ੍ਰੀਤ ਸਿੰਘ। ਸ. ਚਰਨਜੀਤ ਸਿੰਘ ਚੰਨੀ ਨੇ ਡਾ. ਪ੍ਰਭਲੀਨ ਸਿੰਘ ਦੇ ਉਪਰਾਲੇ ਦੀ ਸ਼ਲਾਘਾ ਕੀਤੀ।
