ਐਸ ਏ ਐਸ ਨਗਰ, 15 ਸਤੰਬਰ- ਭਾਰਤ ਵਿਕਾਸ ਪ੍ਰੀਸ਼ਦ ਮੁਹਾਲੀ ਦੀਆਂ ਬ੍ਰਾਂਚਾਂ ਵੱਲੋਂ ਮਿਲ ਕੇ ਗੋਲਡਨ ਬੈਲਜ ਪਬਲਿਕ ਸਕੂਲ ਸੈਕਟਰ 77 ਮੁਹਾਲੀ ਵਿਖੇ ‘ਗੁਰੂ ਵੰਦਨ ਛਾਤਰ ਅਭਿਨੰਦਨ’ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਸਕੂਲ ਦੇ ਬੈਸਟ ਟੀਚਰ ਸ਼੍ਰੀ ਵਿਕਰਮ ਸਿੰਘ ਪਠਾਨੀਆ ਅਤੇ ਬੈਸਟ ਸਟੂਡੈਂਟ ਸ਼ੁਖਮਨਪਰੀਤ ਨੂੰ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਬੋਲਦਿਆਂ ਸz. ਗੁਰਦੀਪ ਸਿੰਘ ਨੇ ਅਧਿਆਪਕ ਅਤੇ ਵਿਦਿਆਰਥੀ ਦੇ ਆਪਸੀ ਆਦਰ ਸਤਿਕਾਰ ਬਾਰੇ ਵਿਸਥਾਰ ਨਾਲ ਚਾਨਣਾ ਪਾਇਆ। ਮੈਡਮ ਦੀਪਮਾਲਾ ਜੈਨ ਵਲੋਂ ਵੀ ਇਸ ਵਿਸ਼ੇ ਤੇ ਆਪਣੇ ਵਿਚਾਰ ਸਾਂਝੇ ਕੀਤੇ ਗਏ।
ਇਸ ਤੋਂ ਪਹਿਲਾ ਸz. ਜੀ ਐਸ ਥਿੰਦ ਨੇ ਆਏ ਮਹਿਮਾਨਾਂ ਦਾ ਸੁਆਗਤ ਕੀਤਾ। ਸ਼ਟੇਜ ਸਕੱਤਰ ਦੀ ਜਿੰਮੇਵਾਰੀ ਅਸ਼ੋਕ ਪਵਾਰ ਨੇ ਨਿਭਾਈ। ਸੰਸਥਾ ਵਲੋਂ ਕਰਨਲ ਸੀ ਐਸ ਬਾਵਾ ਅਤੇ ਸ਼੍ਰੀਮਤੀ ਗੁਰਜੀਤ ਕੌਰ ਬਾਵਾ ਨੂੰ ਵੀ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸਰਵਸ੍ਰੀ ਗੁਰਿੰਦਰ ਸਿੰਘ, ਵੀ ਐਮ ਵਧਵਾ, ਅਸ਼ੋਕ ਭਾਟੀਆ, ਦਵਿੰਦਰ ਸ਼ਰਮਾ, ਮੈਡਮ ਸਿਮਰਦੀਪ ਕੌਰ ਬਾਵਾ ਵਿਸ਼ੇਸ਼ ਤੌਰ ਤੇ ਸ਼ਾਮਿਲ ਸਨ।
