ਕੈਮੀਕਲ ਕੰਪਨੀ ਵਿੱਚ ਲੱਗੀ ਅੱਗ ਤੇ ਪਾਇਆ ਕਾਬੂ, 9 ਦੀ ਮੌਤ, 50 ਝੁਲਸੇ

ਭਰੂਚ, 4 ਜੂਨ ਗੁਜਰਾਤ ਵਿੱਚ ਭਰੂਚ ਜ਼ਿਲ੍ਹੇ ਦੇ ਦਹੇਜ ਮਰੀਨ ਖੇਤਰ ਵਿੱਚ ਕੈਮੀਕਲ ਕੰਪਨੀ ਵਿੱਚ ਲੱਗੀ ਅੱਗ ਤੇ ਕਾਬੂ ਪਾ ਲਿਆ ਗਿਆ| ਇਸ ਦੌਰਾਨ 9 ਵਿਅਕਤੀਆਂ ਦੀ ਮੌਤ ਹੋ ਗਈ ਅਤੇ 50 ਹੋਰ ਜ਼ਖਮੀ ਹੋ ਗਏ| ਪੁਲੀਸ ਅਧਿਕਾਰੀ ਵੀ.ਐਲ. ਗਾਗੀਆ ਨੇ ਦੱਸਿਆ ਕਿ ਦਹੇਜ ਜੀ.ਆਈ.ਡੀ.ਸੀ. ਸਥਿਤ ਯਸ਼ਸਵੀ ਰਸਾਇਣ ਪ੍ਰਾਈਵੇਟ ਲਿਮਟਿਡ ਵਿੱਚ ਰਿਐਕਟਰ ਦੀ ਧਮਾਕਾ ਹੋਣ ਨਾਲ ਅੱਗ ਲੱਗ ਗਈ ਸੀ|
ਇਸ ਵਿੱਚ ਹੁਣ ਤੱਕ 9 ਵਿਅਕਤੀਆਂ ਦੀ ਮੌਤ ਹੋ ਗਈ ਹੈ ਅਤੇ ਹੋਰ 50 ਝੁਲਸ ਗਏ ਹਨ ਜਿਨ੍ਹਾਂ ਨੂੰ ਵੱਖ-ਵੱਖ ਹਸਪਤਾਲਾਂ ਵਿੱਚ ਭਰਤੀ ਕਰਵਾਇਆ ਗਿਆ ਹੈ| ਮ੍ਰਿਤਕਾਂ ਦੀ ਪਛਾਣ ਹਾਲੇ ਨਹੀਂ ਹੋ ਸਕੀ ਹੈ| ਅੱਗ ਬੁਝਾਊ ਵਿਭਾਗ ਦੇ ਅਧਿਕਾਰੀ ਨੇ ਦੱਸਿਆ ਕਿ ਬਹੁਤ ਮੁਸ਼ਕਿਲ ਨਾਲ ਅੱਗ ਤੇ ਕਾਬੂ ਪਾ ਲਿਆ ਗਿਆ ਹੈ ਪਰ ਦਮਕਲ ਕਰਮਚਾਰੀ ਹਾਲੇ ਵੀ ਧੂੰਏ ਨੂੰ ਕੂਲਿੰਗ ਕਰਨ ਵਿੱਚ ਲੱਗੇ ਹੋਏ ਹਨ|