ਗਾਜੀਆਬਾਦ ਅਤੇ ਨੋਇਡਾ ਸਰਹੱਦ ਤੇ ਵਧੀ ਸਖਤੀ

ਨਵੀਂ ਦਿੱਲੀ-, 4 ਜੂਨ ਦਿੱਲੀ ਦੇ ਨਾਲ ਲੱਗਦੇ ਐਨ.ਸੀ.ਆਰ ਦੀ ਸਰਹੱਦ ਨੂੰ ਸੀਲ ਕੀਤੇ ਜਾਣ ਤੇ ਜੰਗ ਜਾਰੀ ਹੈ| ਦਿੱਲੀ ਦੇ ਨੇੜਲੇ ਨੋਇਡਾ ਅਤੇ ਗਾਜੀਆਬਾਦ ਦੀ ਸਰਹੱਦ ਤੇ ਸਖਤੀ ਵਧਾਈ ਗਈ ਹੈ| ਆਉਣ-ਜਾਣ ਵਾਲਿਆਂ ਦੀ ਚੈਂਕਿੰਗ ਕੀਤੀ ਜਾ ਰਹੀ ਹੈ ਹਾਲਾਂਕਿ ਗੁਰੂਗ੍ਰਾਮ ਸਰਹੱਦ ਤੇ ਆਵਾਜਾਈ ਆਸਾਨ ਹੈ| ਦਿੱਲੀ ਸਰਹੱਦ ਨੂੰ ਸਰਕਾਰ ਨੇ ਇਕ ਹਫਤੇ ਦੇ ਲਈ ਸੀਲ ਕੀਤਾ ਹੈ|
ਦਿੱਲੀ-ਨੋਇਡਾ ਸਰਹੱਦ ਤੇ ਸਵੇਰ ਤੋਂ ਹੀ ਲੋਕਾਂ ਨੂੰ ਟ੍ਰੈਫਿਕ ਦੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ| ਨੋਇਡਾ ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਦਿੱਲੀ ਤੋਂ ਆਉਣ ਵਲੇ ਲੋਕਾਂ ਦੇ ਕਾਰਨ ਉਨ੍ਹਾਂ ਦੇ ਇਲਾਕੇ ਵਿੱਚ ਮਰੀਜ਼ ਵੱਧ ਰਹੇ ਹਨ| ਸਵੇਰ ਦੇ ਸਮੇਂ ਦਿੱਲੀ-ਨੋਇਡਾ ਸਰਹੱਦ ਤੇ ਚੈਕਿੰਗ ਹੁੰਦੀ ਹੈ ਪਰ ਦੁਪਹਿਰ ਤੋਂ ਬਾਅਦ ਸਰਹੱਦ ਤੇ ਆਉਣਾ-ਜਾਣਾ ਆਸਾਨ ਹੋ ਜਾਂਦਾ ਹੈ|