ਟੀ-20 ਦਰਜਾਬੰਦੀ ’ਚ ਰਾਹੁਲ ਤੀਜੇ ਸਥਾਨ ’ਤੇ ਕਾਇਮ

ਕੌਮਾਂਤਰੀ ਕ੍ਰਿਕਟ ਬੋਰਡ ਵੱਲੋਂ ਅੱਜ ਜਾਰੀ ਕੀਤੀ ਗਈ ਟੀ-20 ਕੌਮਾਂਤਰੀ ਬੱਲੇਬਾਜ਼ਾਂ ਦੀ ਦਰਜਾਬੰਦੀ ਵਿੱਚ ਭਾਰਤ ਦਾ ਲੋਕੇਸ਼ ਰਾਹੁਲ ਤੀਜੇ ਸਥਾਨ ’ਤੇ ਕਾਇਮ ਹੈ ਅਤੇ ਕਪਤਾਨ ਵਿਰਾਟ ਕੋਹਲੀ 8ਵੇਂ ਤੋਂ 7ਵੇਂ ਸਥਾਨ ’ਤੇ ਪਹੁੰਚ ਗਿਆ ਹੈ। ਇਨ੍ਹਾਂ ਦੋਹਾਂ ਤੋਂ ਇਲਾਵਾ ਭਾਰਤ ਦਾ ਕੋਈ ਵੀ ਬੱਲੇਬਾਜ਼, ਗੇਂਦਬਾਜ਼ ਜਾਂ ਆਲਰਾਊਂਡਰ ਦਰਜਾਬੰਦੀ ਦੇ ਪਹਿਲੇ 10 ਸਥਾਨਾਂ ’ਚ ਸ਼ੁਮਾਰ ਨਹੀਂ ਹੈ। ਰਾਹੁਲ 816 ਅੰਕਾਂ ਨਾਲ ਇੰਗਲੈਂਡ ਦੇ ਡੇਵਿਡ ਮਲਾਨ (915) ਅਤੇ ਪਾਕਿਸਤਾਨ ਦੇ ਬਾਬਰ ਆਜ਼ਮ (820) ਤੋਂ ਪਿੱਛੇ ਹੈ ਜਦਕਿ ਕੋਹਲੀ ਦੇ 697 ਅੰਕ ਹਨ।