ਕਥਿਤ ਤੌਰ ਤੇ ਪ੍ਰੇਸ਼ਾਨ ਕਰਨ ਕਾਰਨ ਇੱਕ ਮੌਤ , ਚਾਰ ਵਿਅਕਤੀ ਨਾਮਜ਼ਦ

ਫਾਜ਼ਿਲਕਾ 12 ਜੁਲਾਈ : ਸਥਾਨਕ ਪ੍ਰੇਮ ਗਲੀ ਅੰਦਰ ਇੱਕ ਥੜ੍ਹੀ ਨੂੰ ਲੈ ਕੇ ਛਿੜਿਆ ਵਿਵਾਦ ਉਸ ਵਕਤ ਜਾਨਲੇਵਾ ਸਾਬਤ ਹੋਇਆ ਜਦੋਂ ਗੁਆਂਢੀਆਂ ਵੱਲੋਂ ਪ੍ਰੇਸ਼ਾਨ ਕਰਨ ਤੇ ਇਲਾਜ ਲਈ ਦਾਖ਼ਲ ਵਿਅਕਤੀ ਦੀ ਮੌਤ ਹੋ ਗਈ ।ਇਸ ਸਬੰਧੀ ਪੁਲਿਸ ਥਾਣਾ ਸਿਟੀ ਫਾਜ਼ਿਲਕਾ ਅੰਦਰ 4 ਵਿਅਕਤੀਆਂ ਖਿਲਾਫ਼ ਮੁਕੱਦਮਾ ਦਰਜ਼ ਹੋਇਆ ਹੈ ।
ਊਸ਼ਾ ਰਾਣੀ ਪਤਨੀ ਅੰਮ੍ਰਿਤ ਲਾਲ ਦੇ ਬਿਆਨਾਂ ਦੇ ਆਧਾਰ ਤੇ ਦਰਜ ਕੀਤੇ ਗਏ ਮੁਕੱਦਮੇ ਵਿੱਚ ਦੋਸ਼ ਹੈ ਕਿ ਟੋਨੀ ਪੁੱਤਰ ਕਿਸ਼ੋਰ ਚੰਦ , ਜੋਧਾ ਪੁੱਤਰ ਬਿੱਟੂ , ਵਿੱਕੀ ਧੂੜੀਆ ਅਤੇ ਬਿੱਟੂ ਬੇਦੀ ਵਾਸੀ ਪ੍ਰੇਮ ਗਲੀ ਫਾਜ਼ਿਲਕਾ ਗਲੀ ਵਿੱਚ ਬਣੀ ਖੜ੍ਹੀ ਕਾਰਨ ਲੜਾਈ ਝਗੜਾ ਕਰ ਰਹੇ ਸਨ ।
ਇਸ ਪ੍ਰੇਸ਼ਾਨੀ ਕਾਰਨ ਅੰਮ੍ਰਿਤ ਲਾਲ ਨੂੰ ਇਲਾਜ ਲਈ ਦਾਖਲ ਕਰਵਾਇਆ ਗਿਆ ਜਿਸ ਦੌਰਾਨ ਉਸ ਦੀ ਮੌਤ ਹੋ ਗਈ ।
ਜਾਂਚ ਅਧਿਕਾਰੀ ਏ ਐੱਸ ਆਈ ਕ੍ਰਿਸ਼ਨ ਲਾਲ ਅਨੁਸਾਰ ਉਪਰੋਕਤ ਦੋਸ਼ੀਆਂ ਖਿਲਾਫ ਆਈ ਪੀ ਸੀ ਦੀ ਧਾਰਾ 304 , 34 ਅਧੀਨ ਮੁਕੱਦਮਾ ਦਰਜ਼ ਕੀਤਾ ਗਿਆ ਹੈ ।