Ex ਵਿਧਾਇਕ ਬਲਵਿੰਦਰ ਸਿੰਘ ਧਾਲੀਵਾਲ ਦਾ ਔਕਲੈਂਡ ਵਿਖੇ ਸਿਮਰਨ ਬੋਪਾਰਾਏ ਵੱਲੋਂ ਸਨਮਾਨ

ਔਕਲੈਂਡ, 13 ਜੂਨ 2024:-ਹਲਕਾ ਫਗਵਾੜਾ ਤੋਂ 2022 ਦੀਆਂ ਵਿਧਾਨ ਸਭਾ ਚੋਣਾਂ ਵਿਚ 37,217 ਵੋਟਾਂ ਲੈ ਕੇ ਜਿੱਤੇ ਵਿਧਾਇਕ ਸ੍ਰੀ ਬਲਵਿੰਦਰ ਸਿੰਘ ਧਾਲੀਵਾਲ (ਕਾਂਗਰਸ ਪਾਰਟੀ ਉਮੀਦਵਾਰ ਅਤੇ ਰਿਟਾਇਰਡ ਆਈ. ਏ. ਐਸ. ਅਫਸਰ) ਇਨ੍ਹੀਂ ਦਿਨੀਂ ਨਿਊਜ਼ੀਲੈਂਡ ਦੌਰੇ ਉਤੇ ਹਨ। ਅੱਜ ਉਨ੍ਹਾਂ ਦੇ ਮਾਨ-ਸਨਮਾਨ ਵਿਚ ਸ੍ਰੀ ਸਿਮਰਨ ਬੋਪਾਰਾਏ (2 ਡਿਗਰੀ ਕਾਰੋਬਾਰੀ) ਅਤੇ ਪਾਲ ਪ੍ਰੋਡਕਸ਼ਨ ਤੋਂ ਸ. ਹਰਪਾਲ ਸਿੰਘ ਲੋਹੀ ਦੀ ਟੀਮ ਵੱਲੋਂ ਇੰਡੀਅਨ ਬਾਰ ਐਂਡ ਈਟਰੀ ਪਾਪਾਕੁਰਾ ਵਿਖੇ ਇਕ ਸਮਾਗਮ ਰੱਖਿਆ ਗਿਆ ਅਤੇ ਉਨ੍ਹਾਂ ਦਾ ਮਾਨ ਸਨਮਾਨ ਕੀਤਾ ਗਿਆ। ਵਿਧਾਇਕ ਸਾਹਿਬ ਦੇ ਨਾਲ ਸ੍ਰੀ ਨਰੇਸ਼ ਭਾਰਦਵਾਜ ਸਾਬਕਾ ਚੇਅਰਮੈਨ ਮਾਰਕੀਟ ਕਮੇਟੀ ਫਗਵਾੜਾ ਵੀ ਪਹੁੰਚੇ। ਉਨ੍ਹਾਂ ਇਸ ਮੌਕੇ ਸੰਬੋਧਨ ਹੁੰਦਿਆਂ ਸ੍ਰੀ ਨਿਤਿਨ ਦੂਆ ਦਾ ਖਾਸ ਜ਼ਿਕਰ ਕੀਤਾ ਜੋ ਕਿ ਪੰਜਾਬ ਬੈਠੇ ਵੀ ਇਥੇ ਦੇ ਭਾਈਚਾਰੇ ਨਾਲ ਜੁੜੇ ਹੋਏ ਹਨ। ਉਨ੍ਹਾਂ ਸਿਮਰਨ ਬੋਪਾਰਾਏ, ਪਾਲ ਪ੍ਰੋਡਕਸ਼ਨ, ਪੰਜਾਬੀ ਮੀਡੀਆ ਅਤੇ ਇਥੇ ਵਸਦੀ ਭਾਰਤੀ ਕਮਿਊਨਿਟੀ ਦਾ ਧੰਨਵਾਦ ਕੀਤਾ।
ਸਾਬਕਾ ਮੈਂਬਰ ਪਾਰਲੀਮੈਂਟ ਸ. ਕੰਵਲਜੀਤ ਸਿੰਘ ਬਖਸ਼ੀ ਹੋਰਾਂ ਅਤੇ ਸ੍ਰੀ ਰੰਜੇ ਸਿੱਕਾ ਹੋਰਾਂ ਉਨ੍ਹਾਂ ਨੂੰ ਫੁੱਲਾਂ ਦੇ ਗੁਲਦਸਤੇ ਅਤੇ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਅਤੇ ਸਾਰਿਆਂ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਖੁਸ਼ੀ ਪ੍ਰਗਟ ਕੀਤੀ ਕਿ ਪੰਜਾਬੀ ਜਿੱਥੇ ਵੀ ਗਏ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਨੂੰ ਨਾਲ ਲੈ ਕੇ ਗਏ ਅਤੇ ਮਹਿਮਾਨ ਨਿਵਾਜ਼ੀ ਅਤੇ ਰਸਮੋ-ਰਿਵਾਜ਼ ਕਦੇ ਨਹੀਂ ਭੁੱਲੇ। ਇਸ ਮੌਕੇ ਆਏ ਮਹਿਮਾਨਾਂ ਦੇ ਵਿਚ ਸ਼ਾਮਿਲ ਸਨ ਸ੍ਰੀ ਸਿਮਰਨ ਬੋਪਾਰਾਏ, ਵਿਵੇਕ ਵਾਲੀਆ, ਸ੍ਰੀ ਤਰਨ ਅਰੋੜਾ ਇਮੀਗ੍ਰੇਸ਼ਨ ਸਲਾਹਕਾਰ, ਵਿਨੋਦ ਬਰਮਾਨੀ, ਸ. ਦਲਬੀਰ ਸਿੰਘ ਲਸਾੜਾ, ਕਰਮ ਹੁੰਦਲ ਤੇ ਜੇ. ਕੇ. ਸਟਾਰ ਪ੍ਰੋਡਕਸ਼ਨ ਟੀਮ, ਹਰਵਿੰਦਰ ਡੈਨੀ, ਰਾਕੇਸ਼, ਨਰਿੰਦਰ ਸਿੰਗਲਾ, ਜਤਿੰਦਰ ਸੰਧੂ, ਖੁਸ਼ ਵੜਿੰਗ, ਪੰਕਜ ਗੁਪਤਾ, ਸ਼ਰਨਜੀਤ ਸਿੰਘ, ਸੁਖ ਸੋਹਲ ਅਤੇ ਹੋਰ ਬਹੁਤ ਸਾਰੇ ਪਤਵੰਤੇ ਹਾਜ਼ਿਰ ਸਨ।