ਹਰਸਿਮਰਤ ਵੱਲੋਂ ਸਿਆਸੀ ਹਾਕੀ ਨਾਲ ਹਕੂਮਤੀ ਗੋਲ ਪੋਸਟ ਦੇ ਫੱਟੇ ਤੇ ਤਿੱਖੇ ਸ਼ਬਦੀ ਨਿਸ਼ਾਨੇ

ਬਠਿੰਡਾ, 6 ਅਕਤੂਬਰ 2023:ਲੋਕ ਸਭਾ ਚੋਣਾਂ ਦੀ ਘੰਟੀ ਵੱਜਦਿਆਂ ਸਾਬਕਾ ਕੇਂਦਰੀ ਫੂਡ ਪ੍ਰੋਸੈਸਿੰਗ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਬਠਿੰਡਾ ਸੰਸਦੀ ਹਲਕੇ ‘ਚ ਆਗਾਮੀ ਚੋਣਾਂ ਦੀ ਮੁਹਿੰਮ ਦਾ ਟੇਢੇ ਢੰਗ ਨਾਲ ਮੁੱਢ ਬੰਨ੍ਹ ਦਿੱਤਾ ਹੈ। ਭਾਵੇਂ ਚੋਣਾਂ ਵਿਚ ਪੌਣੇ ਸਾਲ ਤੋਂ ਵੱਧ ਸਮਾਂ ਪਿਆ ਹੈ ਪ੍ਰੰਤੂ ਬੀਬਾ ਬਾਦਲ ਨੇ ਆਪਣੇ ਹਲਕੇ ਵਿੱਚ ਅਗੇਤੀ ਸਿਆਸੀ ਸਰਗਰਮੀ ਦਿਖਾਈ ਹੈ। ਬੀਬਾ ਬਾਦਲ ਨੇ ਗਮੀ ਖੁਸ਼ੀ ਦੇ ਸਮਾਗਮਾਂ ਵਿੱਚ ਜਾਣਾ ਸ਼ੁਰੂ ਕੀਤਾ ਹੈ। ਵੀਰਵਾਰ ਨੂੰ ਹਰਸਿਮਰਤ ਬਾਦਲ ਬਠਿੰਡਾ ਸ਼ਹਿਰੀ ਹਲਕੇ ਦੇ ਇੰਚਾਰਜ ਇਕਬਾਲ ਸਿੰਘ ਬਬਲੀ ਢਿੱਲੋਂ ਨਾਲ ਰਜਿੰਦਰਾ ਕਾਲਜ ਵਿੱਚ ਬਣੇ ਐਸਟਰੋਟਰਫ ਹਾਕੀ ਸਟੇਡੀਅਮ ਵਿੱਚ ਪੁੱਜੇ ਅਤੇ ਅਭਿਆਸ ਕਰ ਰਹੀਆਂ ਖਿਡਾਰਨਾਂ ਨਾਲ ਗੱਲਬਾਤ ਕੀਤੀ।