ਨਵੀਂ ਦਿੱਲੀ, 8 ਸਤੰਬਰ – ਮਹਿੰਦਰ ਸਿੰਘ ਧੋਨੀ ਇਨ੍ਹੀਂ ਦਿਨੀਂ ਅਮਰੀਕਾ ਵਿਚ ਹਨ। ਉਨ੍ਹਾਂ ਨੇ ਯੂ ਐਸ ਓਪਨ ਮੈਚ ਦੇਖਣ ਤੋਂ ਇਲਾਵਾ ਗੋਲਫ ਦਾ ਵੀ ਆਨੰਦ ਲਿਆ। ਇਸ ਦੌਰਾਨ ਧੋਨੀ ਨਾਲ ਸਾਬਕਾ ਰਾਸ਼ਟਰਪਤੀ ਟਰੰਪ ਵੀ ਨਜ਼ਰ ਆਏ। ਦੋਵਾਂ ਦੀ ਫੋਟੋ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਗਈ। ਭਾਰਤ ਦੇ ਸਾਬਕਾ ਕਪਤਾਨ ਨੂੰ ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਨੇ ਟਰੰਪ ਨੈਸ਼ਨਲ ਗੋਲਫ ਕਲੱਬ ਬੈਡਮਿੰਸਟਰ ਵਿਚ ਗੋਲਫ ਖੇਡਣ ਲਈ ਬੁਲਾਇਆ ਸੀ।
ਧੋਨੀ ਦੇ ਕਰੀਬੀ ਤੇ ਬਿਜ਼ਨੈਸਮੈਨ ਹਿਤੇਸ਼ ਸਾਂਘਵੀ ਨੇ ਇੰਸਟਾਗ੍ਰਾਮ ਤੇ ਤਸਵੀਰ ਸਾਂਝੀ ਕਰਦੇ ਹੋਏ ਲਿਖਿਆ ਕਿ ਧੋਨੀ, ਡੋਨਾਲਡ ਟਰੰਪ ਤ ਰਾਜੀਵ ਨੈਕ ਦੇ ਨਾਲ ਗੋਲਫ। ਸਾਡੀ ਮੇਜ਼ਬਾਨੀ ਲਈ ਧੰਨਵਾਦ ਸਾਬਕਾ ਰਾਸ਼ਟਰਪਤੀ ਮਹੋਦਯ।
ਆਪਣੀ ਇਕ ਇੰਸਟਾਗ੍ਰਾਮ ਸਟੋਰੀ ਵਿੱਚ ਸਾਂਘਵੀ ਨੇ ਇਕ ਵੀਡੀਓ ਪੋਸਟ ਕੀਤਾ ਜਿਸ ਵਿਚ ਧੋਨੀ ਤੇ ਟਰੰਪ ਦੋਵਾਂ ਨੂੰ ਇਕੱਠੇ ਗੋਲਫ ਖੇਡਦੇ ਦੇਖਿਆ ਗਿਆ। ਦੁਬਈ ਸਥਿਤ ਵਪਾਰੀ ਸਾਂਘਵੀ ਧੋਨੀ ਦੇ ਨਾਲ ਸਨ ਤੇ ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੇ ਭਾਰਤ ਦੇ ਸਾਬਕਾ ਕਪਤਾਨ ਨਾਲ ਕਈ ਤਸਵੀਰਾਂ ਸਾਂਝੀਆਂ ਕੀਤੀਆਂ।
