ਕੋਟਕਪੂਰਾ, 01 ਫਰਵਰੀ 2022- ਪਿੰਡ ਠਾੜ੍ਹੇ ਦੇ ਜੰਮਪਲ ਪ੍ਰਵਾਸੀ ਭਾਰਤੀ ਅਜਮੇਰ ਸਿੰਘ ਬਰਾੜ ਦੀ ਅਮਰੀਕਾ ਵਿੱਚ ਸੰਖੇਪ ਬਿਮਾਰੀ ਉਪਰੰਤ ਮੌਤ ਹੋ ਜਾਣ ਦੀ ਦੁਖਦਾਇਕ ਖਬਰ ਮਿਲੀ ਹੈ। ਮਾ. ਗੁਰਮੇਲ ਸਿੰਘ ਠਾੜ੍ਹਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਛੋਟੇ ਭਰਾ ਅਜਮੇਰ ਸਿੰਘ ਦੀ ਮੌਤ ਦੀ ਖਬਰ ਪਿੰਡ ਠਾੜ੍ਹੇ ਵਿਖੇ ਪਹੁੰਚਣ ਨਾਲ ਇਲਾਕੇ ਵਿੱਚ ਸੋਗ ਅਤੇ ਮਾਤਮ ਦਾ ਮਾਹੌਲ ਪੈਦਾ ਹੋ ਗਿਆ।
ਉਹ ਆਪਣੇ ਪਿੱਛੇ ਪਤਨੀ ਸਮੇਤ ਦੋ ਪੁੱਤਰ ਪ੍ਰੀਤਇੰਦਰ ਸਿੰਘ, ਗੁਰਪਿੰਦਰ ਸਿੰਘ ਅਤੇ ਬੇਟੀ ਨਵੀਇੰਦਰ ਕੌਰ ਨੇਵੀ ਨੂੰ ਛੱਡ ਗਏ ਹਨ। ਐਡਵੋਕੇਟ ਛਤਰਪਾਲ ਸਿੰਘ ਬਰਾੜ ਸੇਵਾਮੁਕਤ ਡੀਡੀਪੀਓ ਫਰੀਦਕੋਟ ਸਮੇਤ ਅਨੇਕਾਂ ਰਿਸ਼ਤੇਦਾਰਾਂ ਤੇ ਜਾਣਕਾਰਾਂ ਨੇ ਅਜਮੇਰ ਸਿੰਘ ਦੇ ਅਚਾਨਕ ਵਿਛੋੜੇ ’ਤੇ ਦੁੱਖ ਪ੍ਰਗਟ ਕਰਦਿਆਂ ਪਰਿਵਾਰ ਨਾਲ ਹਮਦਰਦੀ ਦਾ ਇਜਹਾਰ ਕੀਤਾ ਹੈ।
