ਪੰਜਾਬ ਦੀਆਂ ਬਾਕੀ ਰਹਿੰਦੀਆਂ 31 ਸੀਟਾਂ ਬਾਰੇ ਸੋਨੀਆ ਨੇ ਮੀਟਿੰਗ ਸੱਦੀ, ਜਲਦ ਜਾਰੀ ਹੋ ਸਕਦੀ ਹੈ ਲਿਸਟ

ਨਵੀਂ ਦਿੱਲੀ, 24 ਜਨਵਰੀ, 2022: ਕੁੱਲ ਹਿੰਦ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨੇ ਪੰਜਾਬ ਦੀਆਂ ਬਾਕੀ ਰਹਿੰਦੀਆਂ 31 ਸੀਟਾਂ ਦੇ ਉਮੀਦਵਾਰਾਂ ਦੇ ਨਾਂ ਤੈਅ ਕਰਨ ਵਾਸਤੇ ਕੇਂਦਰੀ ਚੋਣ ਕਮੇਟੀ ਦੀ ਮੀਟਿੰਗ ਭਲਕੇ 25 ਜਨਵਰੀ ਨੂੰ ਸੱਦੀ ਹੈ। ਸੰਭਾਵਨਾ ਹੈ ਕਿ ਕੱਲ੍ਹ ਹੀ ਦੇਰ ਸ਼ਾਮ ਨੁੰ ਕਾਂਗਰਸ ਦੀ ਦੂਜੀ ਸੂਚੀ ਜਾਰੀ ਹੋ ਸਕਦੀ ਹੈ। ਅਜਿਹਾ ਦੱਸਿਆ ਜਾ ਰਿਹਾ ਹੈ ਕਿ ਸਿਰਫ 5 ਤੋਂ 6 ਸੀਟਾਂ ’ਤੇ ਉਮੀਦਵਾਰਾਂ ਨੁੰ ਲੈ ਕੇ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਤੇ ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੱਧੂ ਵਿਚਾਲੇ ਵੱਖਰੇਵੇਂ ਹਨ ਪਰ ਹਾਈ ਕਮਾਂਡ ਨੇ ਇਸਦੇ ਨਿਬੇੜੇ ਵਾਸਤੇ ਇਕ ਸਬ ਕਮੇਟੀ ਦਾ ਗਠਨ ਕੀਤਾ ਸੀ। ਹੁਣ ਮਸਲਾ ਨਿਬੜਨ ਦੀ ਆਸ ਹੈ।