ਐਸ ਏ ਐਸ ਨਗਰ, 19 ਜਨਵਰੀ- ਪੰਜਾਬੀ ਸਾਹਿਤ ਸਭਾ ਅਤੇ ਵੈਲਫਅਰ ਸੁਸਾਇਟੀ, ਪੰਜਾਬ ਵੱਲੋਂ ਟਾਇਨੀ ਟੋਟਸ ਸਕੂਲ ਫੇਜ਼-10, ਮੁਹਾਲੀ ਵਿਖੇ ਤ੍ਰੈ-ਮਾਸਿਕ ਰਸਾਲੇ ‘ਰਾਵੀ’ ਦੇ ਲੋਕ-ਅਰਪਣ ਅਤੇ ਕਾਵਿ-ਮਹਿਫ਼ਲ ਦਾ ਅਯੋਜਨ ਕੀਤਾ। ਇਸ ਮੌਕੇ ਪੰਜਾਬੀ ਲੇਖਕ ਰਿਪੁਦਮਨ ਸਿੰਘ ਰੂਪ ਨੇ ਮੁੱਖ ਮਹਿਮਾਨ ਅਤੇ ਹਰੀ ਸਿੰਘ ਜਾਚਕ ਨੇ ਵਿਸ਼ੇਸ਼ ਮਹਿਮਾਨ ਵੱਜੋਂ ਸ਼ਿਰਕਤ ਕੀਤੀ।
ਪੰਜਾਬੀ ਸ਼ਾਇਰਾ ਅਤੇ ਸਮਾਗਮ ਪ੍ਰਬੰਧਕ ਕੁਲਵਿੰਦਰ ਕੋਮਲ (ਦੁੱਬਈ) ਨੇ ਇਕ ਧਾਰਿਮਕ ਕਵਿਤਾ ਰਾਹੀਂ ਸਮਾਗਮ ਅਗ਼ਾਜ਼ ਕਰਦੇ ਆਏ ਮਹਿਮਾਨਾਂ ਦਾ ਸਵਾਗਤ ਕੀਤਾ। ਇਸ ਮੌਕੇ ਪੰਜਾਬੀ ਲੇਖਕ ਰਿਪੁਦਮਨ ਸਿੰਘ, ਉਨ੍ਹਾਂ ਦੀ ਪਤਨੀ ਸਤਿਪਾਲ ਕੌਰ, ਹਰੀ ਸਿੰਘ ਜਾਚਕ ਅਤੇ ਟਾੲਨੀ ਟੋਟਸ ਦੇ ਸੰਸਥਾਪਕ ਗੁਰਇੰਦਰ ਜੀਤ ਦਾ ਸਨਮਾਨ ਕੀਤਾ ਗਿਆ।
ਸਮਾਗਮ ਦੇ ਦੂਸਰੇ ਦੌਰ ਵਿੱਚ ਕਾਵਿ-ਮਹਿਫ਼ਲ ਦੌਰਾਨ ਸਨਮਾਨਿਤ ਸ਼ਖਸ਼ੀਅਤਾਂ ਤੋਂ ਇਲਾਵਾ ਰਸ਼ਮੀ ਸ਼ਰਮਾ, ਦਵਿੰਦਰ ਕੌਰ, ਰੰਜੀਵਨ ਸਿੰਘ ਅਤੇ ਹੋਰਾਂ ਨੇ ਆਪਣੀਆਂ ਨਜ਼ਮਾ ਵੀ ਸਾਂਝੀਆਂ ਕੀਤੀਆਂ।
