ਬਠਿੰਡਾ ਹਵਾਈ ਅੱਡੇ ’ਤੇ ਮੋਦੀ ਨੇ ਮਨਪ੍ਰੀਤ ਬਾਦਲ ਨੁੰ ਵੀ ਕਹੀ ਬਹੁਤ ਵੱਡੀ ਗੱਲ

ਚੰਡੀਗੜ੍ਹ, 6 ਜਨਵਰੀ, 2022 : ਫਿਰੋਜ਼ਪੁਰ ਦੇ ਫਲਾਈ ਓਵਰ ’ਤੇ 20 ਮਿੰਟ ਖੜ੍ਹੇ ਰਹਿਣ ਮਗਰੋਂ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਬਠਿੰਡਾ ਏਅਰਪੋਰਟ ’ਤੇ ਵਾਪਸ ਪਰਤਣ ਅਤੇ ਅੱਗੇ ਦਿੱਲੀ ਰਵਾਨਾਹੋਣ ਤੋਂ ਪਹਿਲਾਂ ਪੰਜਾਬ ਦੇ ਵਿੱਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਨੂੰ ਕਿਹਾ ਕਿ ਉਹ ਜਾ ਕੇ ਮੁੱਖ ਮੰਤਰੀ ਚੰਨੀ ਨੂੰ ਕਹਿਣ ਕਿ ਉਹ ਜਿਉਂਦੇ ਬਠਿੰਡਾ ਹਵਾਈ ਅੱਡੇ ਪਰਤ ਆਏ ਹਨ ਅਤੇ ਉਹਨਾਂ ਦਾ ਧੰਨਵਾਦ ਮੇਰੇ ਨਾਲ ਜੋ ਹੋਇਆ, ਉਸ ਲਈ।
ਇਹ ਖੁੱਲ੍ਹਾਸਾ ਮਨਪ੍ਰੀਤ ਸਿੰਘ ਬਾਦਲ ਨੇ ਆਪ ਕੱਲ੍ਹ ਹੋਈ ਮੰਤਰੀ ਮੰਡਲ ਦੀ ਮੀਟਿੰਗ ਵਿਚ ਕੀਤਾ ਤੇ ਇਸ ’ਤੇ ਮੰਤਰੀ ਮੰਡਲ ਨੇ ਚਰਚਾ ਵੀ ਕੀਤੀ।
ਇੰਡੀਅਨ ਐਕਸਪ੍ਰੈਸ ਦੀ ਰਿਪੋਰਟ ਮੁਤਾਬਕ ਮਨਪ੍ਰੀਤ ਸਿੰਘ ਬਾਦਲ ਨੇ ਇਹ ਸਾਰੀ ਗੱਲ ਦੱਸੀ ਤਾਂ ਮੰਤਰੀ ਮੰਡਲ ਵਿਚ ਇਸ ਮਾਮਲੇ ’ਤੇ ਇਕ ਘੰਟੇ ਤੱਕ ਚਰਚਾ ਹੋਈ। ਇਹ ਗੱਲ ਵੀ ਸਾਹਮਣੇ ਆਈ ਹੈ ਕਿ ਜਦੋਂ ਮੰਤਰੀ ਮੰਡਲ ਨੁੰ ਇਹ ਪਤਾ ਲੱਗਾ ਕਿ ਪ੍ਰਧਾਨ ਮੰਤਰੀ ਨੇ ਵੀਰਵਾਰ ਨੁੰ ਕੇਂਦਰੀ ਵਜ਼ਾਰਤ ਸੱਦੀਹੈ ਤਾਂ ਮਾਹੌਲ ਹੋਰ ਗੰਭੀਰ ਹੋ ਗਿਆ ਤੇ ਇਹ ਕਿਆਸ ਅਰਾਈਂਆਂ ਵੀ ਲਗਾਈਆਂ ਗਈਆਂ ਕਿ ਪੰਜਾਬ ਵਿਚ ਕੇਂਦਰੀ ਰਾਜ ਲਾਗੂ ਕਰਨ ਦੀ ਸਿਫਾਰਸ਼ ਕੇਂਦਰੀ ਵਜ਼ਾਰਤ ਕਰ ਸਕਦੀ ਹੈ।