ਟਿਕਰੀ ਬਾਰਡਰ : ਪੁਲਿਸ ਵੱਲੋਂ ਬੈਰੀਕੇਡਿੰਗ ਹਟਾਉਣੇ ਸ਼ੁਰੂ

ਟਿਕਰੀ ਬਾਰਡਰ (ਦਿੱਲੀ), 29 ਅਕਤੂਬਰ, 2021: ਦਿੱਲੀ ਦੇ ਬਾਰਡਰ ’ਤੇ ਪੁਲਿਸ ਵੱਲੋਂ ਖੁਦ ਲਗਾਏ ਬੈਰੀਕੇਡ ਹਟਾਉਣ ਦਾ ਕੰਮ ਸ਼ੁਰੂ ਹੋ ਗਿਆ ਹੈ। ਪੁਲਿਸ ਵੱਲੋਂ ਸੀਮਿੰਟ ਨਾਲ ਬਣੇ ਬੈਰੀਕੇਡ ਲਗਾਏ ਗਏ ਸਨ। ਇਸ ਤੋਂ ਇਲਾਵਾ ਪੁਲਿਸ ਨੇ ਸੜਕ ’ਤੇ ਕਿੱਲਾਂ ਗੱਡ ਦਿੱਤੀਆਂ ਸਨ, ਉਹ ਵੀ ਪੁੱਟੀਆਂ ਜਾ ਰਹੀਆਂ ਹਨ।
ਯਾਦ ਰਹੇ ਕਿ ਰਾਹ ਰੋਕਣ ਦੇ ਮਾਮਲੇ ਵਿਚ ਸੁਪਰੀਮ ਕੋਰਟ ਵਿਚ ਹੋਈ ਸੁਣਵਾਈ ਦੌਰਾਨ ਕਿਸਾਨ ਜਥੇਬੰਦੀਆਂ ਨੇ ਅਦਾਲਤ ਨੂੰ ਦੱਸਿਆ ਸੀ ਕਿ ਰਾਹ ਅਸੀਂ ਨਹੀਂ ਰੋਕਿਆ ਬਲਕਿ ਪੁਲਿਸ ਨੇ ਬੈਰੀਕੇਡ ਲਗਾ ਕੇ ਰਾਹ ਰੋਕਿਆ ਹੋਇਆ ਹੈ। ਅਦਾਲਤੀ ਸੁਣਵਾਈ ਮਗਰੋਂ ਹੁਣ ਪੁਲਿਸ ਬੈਰੀਕੇਡਿੰਗ ਹਟਾਉਣ ਲੱਗ ਪਈ ਹੈ।