ਚੰਡੀਗੜ੍ਹ, 28 ਸਤੰਬਰ 2021 – ਸਾਬਕਾ ਵਿਵੇਕਾਈਟ ਐਸੋਸੀਏਸ਼ਨ (ਵਿਵੇਕ ਹਾਈ ਸਕੂਲ ਦੇ ਸਾਬਕਾ ਵਿਦਿਆਰਥੀ) ਵੱਲੋਂ ਚੰਡੀਗੜ੍ਹ ਗੋਲਫ ਕਲੱਬ ਵਿਖੇ ਇੱਕ ਇੰਟਰ ਐਲੂਮਨੀ ਗੋਲਫ ਟੂਰਨਾਮੈਂਟ ਕਰਵਾਇਆ ਗਿਆ। ਇਹ ਟੂਰਨਾਮੈਂਟ ਈ.ਵੀ.ਏ. ਦੇ ਜਨਰਲ ਸਕੱਤਰ ਤਰੁਨ ਵੀਰ ਸਿੰਘ ਲੇਹਲ ਦੀ ਅਗਵਾਈ ਵਿੱਚ ਹੋਇਆ।
ਇਸ ਟੂਰਨਾਮੈਂਟ ਵਿੱਚ ਛੇ ਵੱਖ -ਵੱਖ ਸਕੂਲਾਂ ਐਸ.ਜੇ.ਓ.ਬੀ.ਏ. (ਸੇਂਟ ਜੌਨਸ ਹਾਈ ਸਕੂਲ ਦੇ ਸਾਬਕਾ ਵਿਦਿਆਰਥੀ), ਓ.ਵਾਈ.ਏ. (ਯਾਦਵਿੰਦਰਾ ਪਬਲਿਕ ਸਕੂਲ ਦੇ ਸਾਬਕਾ ਵਿਦਿਆਰਥੀ), ਬੀ.ਓ.ਐਸ.ਐਸ. (ਭਵਨ ਵਿਦਿਆਲਿਆ ਸਕੂਲ ਦੇ ਸਾਬਕਾ ਵਿਦਿਆਰਥੀ), ਟੀ.ਓ.ਐਸ.ਐਸ. (ਸੇਂਟ ਸਟੀਫਨਜ਼ ਸਕੂਲ ਦੇ ਸਾਬਕਾ ਵਿਦਿਆਰਥੀ) ਓ.ਐਸ.ਐਸ.ਏ. (ਸੌਪਿਨਸ ਸਕੂਲ ਦੇ ਸਾਬਕਾ ਵਿਦਿਆਰਥੀ) ਅਤੇ ਈ.ਵੀ.ਏ. ਦੇ ਸਾਬਕਾ ਵਿਦਿਆਰਥੀ ਦੀ ਸ਼ਮੂਲੀਅਤ ਵੇਖੀ ਗਈ।
ਇਹ ਟੂਰਨਾਮੈਂਟ ਕ੍ਰਮਵਾਰ 18 ਅਤੇ 9 ਹੋਲਸ ਸ਼੍ਰੇਣੀ ਵਿੱਚ ਕਰਵਾਇਆਾ ਗਿਆ। 18 ਹੋਲਸ ਸ਼੍ਰੇਣੀ ਵਿੱਚ ਓ.ਵਾਈ.ਏ. ਜੇਤੂ ਅਤੇ ਈ.ਵੀ.ਏ. ਉਪ ਜੇਤੂ ਰਿਹਾ। ਇਸੇ ਤਰ੍ਹਾਂ 9 ਹੋਲਸ ਸ਼੍ਰੇਣੀ ਵਿੱਚ ਐਸ.ਜੇ.ਓ.ਬੀ.ਏ. ਜੇਤੂ ਅਤੇ ਟੀ.ਓ.ਐਸ.ਐਸ. ਉਪ ਜੇਤੂ ਰਿਹਾ।
ਈ.ਵੀ.ਏ. ਦੇ ਪ੍ਰਧਾਨ ਸ੍ਰੀ ਗੁਰਦਰਸ਼ਨ ਸਿੰਘ ਨੇ ਕਿਹਾ ਕਿ ਇਸ ਟੂਰਨਾਮੈਂਟ ਨੇ ਚੰਡੀਗੜ੍ਹ ਦੇ ਸਨਮਾਨਿਤ ਸਾਬਕਾ ਵਿਦਿਆਰਥੀਆਂ ਨੂੰ ਜੋੜਨ ਦੇ ਮੰਚ ਵਜੋਂ ਕੰਮ ਕੀਤਾ ਹੈ।
