ਸਪਾਲਈ ਕੇਂਦਰ ਦੀ ਸਥਾਪਨਾ ਤੋਂ ਹਜਾਰਾਂ ਨੌਕਰੀਆਂ ਦਾ ਹੋਵੇਗਾ ਸ੍ਰਿਜਨ – ਮੁੱਖ ਮੰਤਰੀ
ਚੰਡੀਗੜ੍ਹ – ਈ-ਕਾਮਰਸ ਕੰਪਨੀਆਂ ਤੋਂ ਵੇਅਰਹਾਊਸਿੰਗ ਦੀ ਵੱਧਦੀ ਮੰਗ ਨੂੰ ਦੇਖਦੇ ਹੋਏ, ਹਰਿਆਣਾ ਸਰਕਾਰ ਨੇ ਫਲਿਪਕਾਰਟ ਸਮੂਹ ਨੂੰ ਹਰਿਆਣਾ ਰਾਜ ਉਦਯੋਗਿਕ ਅਤੇ ਬੁਨਿਆਦੀ ਢਾਂਚਾ ਵਿਕਾਸ ਨਿਗਮ ਲਿਮੀਟੇਡ (ਐਚਐਸਆਈਆਈਡੀਸੀ) ਦੀ 140 ਏਕੜ ਜਮੀਨ ਅਲਾਟ ਕੀਤੀ ਹੈ, ਜਿਸ ‘ਤੇ ਫਲਿਪਕਾਰਟ ਪਾਤਲੀਹਾਜੀਪੁਰ, ਮਾਨੇਸਰ ਵਿਚ 3 ਮਿਲਿਅਨ ਵਰਗ ਫੁੱਟ ਦੇ ਕਵਰ ਖੇਤਰ ਦੇ ਨਾਲ ਏਸ਼ਿਆ ਵਿਚ ਸਪਲਾਈ ਕਰਨ ਦੇ ਲਈ ਆਪਣੇ ਸੱਭ ਤੋਂ ਵੱਡੇ ਸਪਲਾਈ ਕੇਂਦਰ ਨੂੰ ਸਥਾਪਤ ਕਰੇਗਾ।ਇਹ ਫੈਸਲਾ ਅੱਜ ਇੱਥੇ ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਦੀ ਅਗਵਾਈ ਹੇਠ ਹੋਈ ਹਰਿਆਣਾ ਏਂਟਰਪ੍ਰਾਈਜ ਪ੍ਰਮੋਸ਼ਨ ਬੋਰਡ (ਐਚਈਪੀਬੀ) ਦੀ 10ਵੀਂ ਮੀਟਿੰਗ ਵਿਚ ਕੀਤਾ ਗਿਆ। ਮੀਟਿੰਗ ਵਿਚ ਡਿਪਟੀ ਮੁੱਖ ਮੰਤਰੀ ਸ੍ਰੀ ਦੁਸ਼ਯੰਤ ਚੌਟਾਲਾ ਅਤੇ ਸਿਖਿਆ ਮੰਤਰੀ ਸ੍ਰੀ ਕੰਵਰ ਪਾਲ ਵੀ ਮੌਜੂਦ ਸਨ।ਮੀਟਿੰਗ ਵਿਚ ਮੁੱਖ ਮੰਤਰੀ ਨੂੰ ਜਾਣੁੰ ਕਰਵਾਇਆ ਗਿਆ ਕਿ ਮੇਸਰਸ ਇੰਸਟਾਕਾਰਟ ਸਰਵਿਸ ਪ੍ਰਾਈਵੇਟ ਲਿਮੀਟੇਡ (ਫਲਿਪਕਾਰਡ ਸਮੂਹ ਦੀ ਕੰਪਨੀ) ਨੂੰ ਇਹ ਜਮੀਨ 3.22 ਕਰੋੜ ਰੁਪਏ ਪ੍ਰਤੀ ਏਕੜ ਦੀ ਕੀਮਤ ‘ਤੇ ਅਲਾਟ ਕੀਤੀ ਗਈ ਹੈ। ਇਹ ਪਰਿਯੋਜਨਾ ਖੇਤਰ ਵਿਚ ਅੱਗੇ ਦੇ ਨਿਵੇਸ਼ ਨੂੰ ਗਤੀ ਪ੍ਰਦਾਨ ਕਰਨ ਦੇ ਨਾਲ-ਨਾਲ ਰਾਜ ਤੇ ਉੱਤਰ ਭਾਰਤ ਦੇ ਵਿਕਰੇਤਾਵਾਂ ਅਤੇ ਐਮਐਸਐਮਈ ਨੂੰ ਬਾਜਾਰ ਤਕ ਪਹੁੰਚ ਦਾ ਮੌਕਾ ਵੀ ਪ੍ਰਦਾਨ ਕਰੇਗੀ।ਮੀਟਿੰਗ ਵਿਚ ਫਲਿਪਕਾਰਟ ਸਮੂਹ ਦੇ ਨੂਮਾਇੰਦਿਆਂ ਨੇ ਦਸਿਆ ਕਿ ਇੰਸਟਾਕਾਰਟ ਸਰਵਿਸ ਪ੍ਰਾਈਵੇਅ ਲਿਮੀੇਟੇਡ ਆਪਣੀ ਮਾਰਕਿਟ ਗ੍ਰੋਥ ਨੂੰ ਸਮਰੱਥ ਕਰਨ ਦੇ ਲਈ ਪੂਰੇ ਭਾਰਤ ਵਿਚ ਸਪਲਾਈ ਕੇਂਦਰਾਂ ਅਤੇ ਸਬੰਧਿਤ ਲਾਜਿਸਟਿਕਸ ਇੰਫ੍ਰਾਸਟਕਚਰ ਦੀ ਇਕ ਚੇਨ ਸਥਾਪਤ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਇਸ ਟੀਚੇ ਨੂੰ ਪ੍ਰਾਪਤ ਕਰਨ ਦੇ ਲਈ ਕੰਪਨੀ ਦਾ ਉਦੇਸ਼ ਗ੍ਰਾਹਕਾਂ ਨੂੰ ਵਧੀਆ ਸੇਵਾ ਪ੍ਰਦਾਨ ਕਰਨਾ ਹੈ ਅਤੇ ਆਪਦੇ ਗ੍ਰਾਹਕਾਂ ਦੀ ਸੇਵਾ ਲਈ ਕੰਪਨੀ ਆਪਣੀ ਨੈਟਵਰਕ ਸਮਰੱਥਾ ਨੂੰ ਮਜਬੂਤ ਕਰਨ ਤਹਿਤ ਦੇਸ਼ ਭਰ ਵਿਚ ਖੇਤਰੀ ਵੰਡ ਕੇਂਦਰ (ਆਰਡੀਸੀ) ਦਾ ਨਿਰਮਾਣ ਕਰਨ ਦੀ ਯੋਜਨਾ ਬਣਾ ਰਹੀ ਹੈ।ਇਸ ਲਈ ਕੰਪਨੀ ਦੀ ਗੁਰੂਗ੍ਰਾਮ ਦੇ ਨੇੜੇ ਕੌਮੀ ਰਾਜਧਾਨੀ ਖੇਤਰ ਵਿਚ ਇਕ ਲਾਜਿਸਟਿਕ ਕੈਂਪਸ ਬਨਾਉਣ ਦੀ ਯੋਜਨਾ ਹੈ। ਉੱਤਰ ਭਾਰਤ ਦੀ ਮੰਗ ਨੂੰ ਪੂਰਾ ਕਰਨ ਦੇ ਲਈ ਕੰਪਨੀ 140 ਏਕੜ ਖੇਤਰ ਵਿਚ ਫੈਲੇ ਸਪਲਾਈ ਕੇਂਦਰ ਦਾ ਨਿਰਮਾਣ ਕਰੇਗੀ। ਇਹ ਸਪਲਾਈ ਕੇਂਦਰ ਜਰੂਰੀ ਰੂਪ ਨਾਲ ਸਾਮਾਨ ਅਤੇ ਫਰਨੀਚਰ ਨੂੰ ਪਾਰਸਲ ਕਰੇਗਾ। ਉਨ੍ਹਾਂ ਨੇ ਦਸਿਆ ਕਿ ਇਸ ਪਰਿਯੋਜਨਾ ਤੋਂ ਲਗਭਗ 4000 ਸਿੱਧੇ ਅਤੇ 12000 ਅਸਿੱਧੇ ਰੁਜਗਾਰ ਦਾ ਸ੍ਰਿਜਨ ਹੋਵੇਗਾ।ਇਸ ਮੌਕੇ ‘ਤੇ ਮੁੱਖ ਸਕੱਤਰ ਸ੍ਰੀ ਵਿਜੈ ਵਰਧਨ, ਮੁੱਖ ਮੰਤਰੀ ਦੇ ਪ੍ਰਧਾਨ ਸਕੱਤਰ ਸ੍ਰੀ ਵੀ. ਉਮਾਸ਼ੰਕਰ, ਹਰਿਆਣਾ ਰਾਜ ਉਦਯੋਗਿਕ ਅਤੇ ਬੁਨਿਆਦੀ ਢਾਂਚਾ ਵਿਕਾਸ ਨਿਗਮ ਲਿਮੀਟੇਡ (ਐਚਐਸਆਈਆਈਡੀਸੀ) ਦੇ ਪ੍ਰਬੰਧ ਨਿਦੇਸ਼ਕ ਸ੍ਰੀ ਅਨੁਰਾਗ ਅਗਰਵਾਲ, ਉਦਯੋਗ ਅਤੇ ਵਪਾਰ ਵਿਭਾਗ ਦੇ ਪ੍ਰਧਾਨ ਸਕੱਤਰ ਸ੍ਰੀ ਵਿਰਯੇਂਦਰ ਕੁਮਾਰ, ਉਦਯੋਗ ਅਤੇ ਵਪਾਰ ਵਿਭਾਗ ਦੇ ਮਹਾਨਿਦੇਸ਼ਕ ਸ੍ਰੀ ਸਾਕੇਤ ਕੁਮਾਰ ਸਮੇਤ ਹੋਰ ਸੀਨੀਅਰ ਅਧਿਕਾਰੀ ਮੌਜੂਦ ਸਨ।
