630 ਯਾਤਰੂ ਕੈਨੇਡਾ ਤੇ ਯੂਕੇ ਰਵਾਨਾ

ਅੰਮ੍ਰਿਤਸਰ: ਅੱਜ ਇੱਥੋਂ ਹਵਾਈ ਅੱਡੇ ਤੋਂ ਦੋ ਵਿਸ਼ੇਸ਼ ਉਡਾਣਾਂ ਰਾਹੀਂ ਕੈਨੇਡਾ ਅਤੇ ਯੂਕੇ ਵਾਸਤੇ 630 ਯਾਤਰੂ ਰਵਾਨਾ ਹੋਏ ਹਨ। ਇਨ੍ਹਾਂ ਵਿਚੋਂ 310 ਯਾਤਰੂ ਬ੍ਰਿਟਿਸ਼ ਏਅਰਵੇਜ਼ ਦੀ ਵਿਸ਼ੇਸ਼ ਉਡਾਣ ਰਾਹੀਂ ਯੂਕੇ ਗਏ ਹਨ, ਜਿਨ੍ਹਾਂ ਵਿਚ 184 ਬ੍ਰਿਟਿਸ਼ ਪਾਸਪੋਰਟ ਧਾਰਕ ਅਤੇ 126 ਭਾਰਤੀ ਪਾਸਪੋਰਟ ਧਾਰਕ ਤੇ ਕੁਝ ਹੋਰ ਯਾਤਰੂ ਸ਼ਾਮਲ ਸਨ। ਇਸੇ ਤਰ੍ਹਾਂ ਦੇਰ ਸ਼ਾਮ ਕਤਰ ਏਅਰਵੇਜ਼ ਦੀ ਇਕ ਉਡਾਣ ਰਾਹੀਂ 320 ਯਾਤਰੂ ਟੋਰਾਂਟੋ ਵਾਸਤੇ ਰਵਾਨਾ ਹੋਏ ਹਨ। ਇਹ ਉਡਾਣ ਪਹਿਲਾਂ ਦੋਹਾ ਜਾਵੇਗੀ ਤੇ ਉਸ ਮਗਰੋਂ ਇਹ ਯਾਤਰੂ ਕੈਨੇਡਾ ਵਾਸਤੇ ਰਵਾਨਾ ਹੋਣਗੇ।