ਹਰਿਆਣਾ ਦੇ ਛੋਟੇ ਕਿਸਾਨ ਖੇਤੀਬਾੜੀ ਵਪਾਰ ਸੰਘ (ਸਫੈਕ) ਨੇ ਨਿਜੀ ਕੰਪਨੀਆਂ ਦੇ ਨਾਲ ਸਿਰਸਾ ਜਿਲ੍ਹੇ ਦੇ ਕਿਸਾਨਾਂ ਦੇ 700 ਮੀਟ੍ਰਿਕ ਟਨ ਕਿਨੂੰ ਦੀ ਫਸਲ ਦੀ ਖਰੀਦ ਤਹਿਤ ਇਸ ਸਾਲ ਦੇ ਲਈ ਠੇਕਾ ਕਰਾਇਆ

ਚੰਡੀਗੜ੍ਹ – ਹਰਿਆਣਾ ਦੇ ਖੇਤੀਬਾੜੀ ਮੰਤਰੀ ਜੈ ਪ੍ਰਕਾਸ਼ ਦਲਾਲ ਨੇ ਕਿਹਾ ਹੈ ਕਿ ਰਾਜ ਸਰਕਾਰ ਕਿਸਾਨਾਂ ਦੀ ਆਮਦਨੀ ਵਧਾਉਣ ਲਈ ਲਗਾਤਾਰ ਕਾਰਜ ਕਰ ਰਹੀ ਹੈ। ਹਰਿਆਣਾ ਦੇ ਛੋਟੇ ਕਿਸਾਨ ਖੇਤੀਬਾੜੀ ਵਪਾਰ ਸੰਘ (ਸਫੈਕ) ਨੇ ਨਿਜੀ ਕੰਪਨੀਆਂ ਦੇ ਨਾਲ ਸਿਰਸਾ ਜਿਲ੍ਹੇ ਦੇ ਕਿਸਾਨਾਂ ਦੀ 700 ਮੀਟ੍ਰਿਕ ਟਨ ਕਿਨੂੰ ਦੀ ਫਸਲ ਦੀ ਖਰੀਦ ਤਹਿਤ ਇਸ ਸਾਲ ਦੇ ਲਈ ਠੇਕਾ ਕਰਾਇਆ ਹੈ।ਉਨ੍ਹਾਂ ਨੇ ਦਸਿਆ ਕਿ ਇਸ ਦੇ ਲਈ ਕਿਸਾਨ ਉਤਪਾਦਕ ਸੰਗਠਨਾਂ (ਐਫਪੀਓ) ਦਾ ਗਠਨ ਕੀਤਾ ਜਾ ਰਿਹਾ ਹੈ ਤਾਂ ਜੋ ਕਿਸਾਨ ਸਮੂਹ ਬਣਾ ਕੇ ਆਪਣੀ ਫਸਲ ਦੇ ਚੰਗੇ ਦਾਮ ਪ੍ਰਾਪਤ ਕਰ ਸਕਣ।ਖੇਤੀਬਾੜੀ ਮੰਤਰੀ ਨੇ ਦਸਿਆ ਕਿ ਹੁਣ ਤਕ ਰਾਜ ਵਿਚ ਕੁੱਲ 486 ਕਿਸਾਨ ਉਤਪਾਦਕ ਸੰਗਠਨਾਂ (ਐਫਪੀਓ) ਦਾ ਗਠਨ ਕਰਦੇ ਹੋਏ ਇੰਨ੍ਹਾਂ ਨੂੰ ਕੰਪਨੀ ਐਕਟ 2013 ਦੇ ਤਹਿਤ ਰਜਿਸਟਰਡ ਕਰਵਾਇਆ ਜਾ ਚੁੱਕਾ ਹੈ। ਇੰਨ੍ਹਾਂ ਕਿਸਾਨ ਉਤਪਾਦਕ ਸੰਗਠਨਾਂ ਦੇ ਨਾਲ 76000 ਤੋਂ ਵੀ ਵੱਧ ਕਿਸਾਨਾਂ ਨੂੱ ਜੋੜਿਆ ਜਾ ਚੁੱਕਾ ਹੈ।ਉਨ੍ਹਾਂ ਨੇ ਦਸਿਆ ਕਿ ਭਾਰਤ ਸਰਕਾਰ ਵੱਲੋਂ ਹਾਲ ਹੀ ਵਿਚ ਐਲਾਨ ਨਵੀਂ ਐਫਪੀਓ ਨੀਤੀ 2020 ਦੇ ਤਹਿਤ ਸਾਲ 2021-22 ਤਕ ਐਫਪੀਓ ਗਠਨ ਦੇ ਟੀਚੇ ਨੂੰ 1000 ਤਕ ਪਹੁੰਚਾਉਣ ਦੇ ਯਤਨ ਕੀਤੇ ਜਾਣਗੇ। ਮੰਤਰੀ ਨੇ ਦਸਿਆ ਕਿ ਇੰਨਾਂ ਨਵੇਂ ਐਫਪੀਓ ਦਾ ਗਠਨ ਰਾਜ ਵਿਚ ਕਲਸਟਰ ਨਿਮਾਣ ਦੇ ਆਧਾਰ ‘ਤੇ ਕੀਤਾ ਜਾਵੇਗਾ।ਖੇਤੀਬਾੜੀ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਦੇਵੇਂਦਰ ਸਿੰਘ ਨੇ ਦਸਿਆ ਕਿ ਜਿੱਥੇ ਕਿਸਾਨ ਉਤਪਾਦਕ ਸੰਗਠਨ ਬਣਾ ਕੇ ਕਿਸਾਨਾਂ ਨੂੰ ਇਕੱਠੇ ਖੇਤੀ ਕਰਨ ਦੇ ਲਈ ਤਿਆਰ ਕੀਤਾ ਜਾਂਦਾ ਹੈ, ਉੱਥੇ ਛੋਟੇ ਕਿਸਾਨ ਖੇਤੀਬਾੜੀ ਵਪਾਰ ਸੰਘ (ਸਫੈਕ) ਦਾ ਉਦੇਸ਼ ਉਨ੍ਹਾਂ ਦੀ ਫਸਲ ਦਾ ਸਹੀ ਭਾਅ ਕਿਸਾਨ ਉਤਪਾਦਕ ਸੰਗਠਨਾਂ ਨੂੰ ਦਿਵਾਉਣਾ ਹੈ। ਸਫੈਕ ਦਾ ਕਿਸਾਨਾਂ ਨੂੰ ਖਾਦ, ਬੀਜ ਸਸਤੀ ਦਰਾਂ ‘ਤੇ ਉਪਲਬਧ ਕਰਵਾਉਣ ਦਾ ਯਤਨ ਰਹਿੰਦਾ ਹੈ।ਉਨ੍ਹਾਂ ਨੇ ਦਸਿਆ ਕਿ 15 ਐਫਪੀਓ ਦੇ ਪ੍ਰੋਜੈਕਟਾਂ ‘ਤੇ ਕਾਰਜ ਲਗਾਤਾਰ ਜਾਰੀ ਹੈ। ਇੰਨ੍ਹਾਂ ਪੋ੍ਰਜੈਕਟਾਂ ‘ਤੇ 45.64 ਕਰੋੜ ਰੁਪਏ ਦਾ ਅਨੁਦਾਨ ਜਾਰੀ ਕਰਨ ਦਾ ਅੰਦਾਜਾ ਹੈ। ਇੰਨ੍ਹਾਂ ਪੋ੍ਰਜੈਕਟਾਂ ਦੀ ਸਥਾਪਨਾ ਦੇ ਬਾਅਦ ਰਾਜ ਦੇ ਬਾਗਬਾਨੀ ਕਿਸਾਨ ਆਪਣੇ ਉਤਪਾਦਨ ਦੀ ਚੰਗੀ ਤਰ੍ਹਾ ਨਾਲ ਗ੍ਰੇਡਿੰਗ, ਪੈਕਿੰਗ ਤੇ ਮੁੱਲ ਸਵਰਧਨ ਬਾਅਦ ਆਪਣੇ ਐਫਪੀਓ ਰਾਹੀਂ ਦੇਸ਼ ਵਿਚ ਵੱਖ-ਵੱਖ ਥਾਵਾਂ ਅਤੇ ਵਪਾਰੀਆਂ ਨੂੰ ਫਸਲ ਵੇਚ ਕੇ ਆਪਣੀ ਆਮਦਨ ਵਿਚ ਵਾਧਾ ਕਰ ਸਕਣਗੇ।ਸਫੈਕ (ਹਰਿਆਣਾ) ਦੇ ਐਮਡੀ ਡਾ. ਅਰਜੁਨ ਸਿੰਘ ਸੈਨੀ ਨੇ ਦਸਿਆ ਕਿ ਛੋਟੇ ਕਿਸਾਨ ਖੇਤੀਬਾੜੀ ਵਪਾਰ ਸੰਘ (ਸਫੈਕ) ਨੇ ਆਲ ਫ੍ਰੈਸ਼ ਸਪਲਾਈ ਮੈਨੇਜਮੈਂਟ ਪ੍ਰਾਈਵੇਟ ਲਿਮੀਟੇਡ ਕੰਪਨੀ, ਦਿੱਲੀ ਦੇ ਨਾਲ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਕਿਨੂੰ ਦੀ ਸਪਲਾਈ ਤਹਿਤ ਐਮਓਯੂ ਦਸਤਖਤ ਕਰਾਇਆ ਹੈ। ਇਹ ਕੰਪਨੀ ਐਡਪੀਓ ਤੋਂ 100 ਮੀਟ੍ਰਿਕ ਟਨ ਕਿਨੂੰ ਦੀ ਖਰੀਦ ਕਰੇਗਾ। ਇਸ ਦੀ ਸ਼ੁਰੂਆਤ ਸਿਲੀਗੁੜੀ ਤੋਂ ਆਈ ਮੰਗ ਦੀ ਸਪਲਾਈ ਲਈ ਕੀਤੀ ਜਾ ਰਹੀ ਹੈ। ਇਸ ਤਰ੍ਹਾ ਦਿੱਲੀ ਅਤੇ ਵੱਖ-ਵੱਖ ਸ਼ਹਿਰਾਂ ਦੀ ਸਪਲਾਈ ਲਈ ਵੀਐਨ ਇੰਟਰਨੈਸ਼ਨਲ ਕੰਪਨੀ ਤੋਂ 200 ਮੀਟ੍ਰਿਕ ਟਨ ਕਿਨੂੰ ਦੀ ਖਰੀਦ ਤਹਿਤ ਐਮਓਯੂ ਕੀਤਾ ਗਿਆ ਹੈ।ਫ੍ਰੈਸ਼ ਪ੍ਰੋਡਿਯੂਜ ਵੈਲਯੂ ਕ੍ਰਇਏਸ਼ਨ ਪ੍ਰਾਈਵੇਟ ਲਿਮੀਟੇਡ ਕੰਪਨੀ ਨਾਲ ਕੰਪਨੀ ਅਤੇ ਵੱਖ-ਵੱਖ ਸ਼ਹਿਰਾਂ ਵਿਚ ਕਿਨੂੰ ਦੀ ਮੰਗ ਨੂੰ ਪੂਰਾ ਕਰਨ ਤਹਿਤ ਐਫਪੀਓ ਤੋਂ 100 ਮੀਟ੍ਰਿਕ ਟਨ ਕਿਨੂੰ ਦੀ ਖਰੀਦ ਕੀਤੀ ਜਾਵੇਗੀ।ਪੰਜਾਬ ਤੋਂ ਵੱਖ-ਵੱਖ ਸ਼ਹਿਰਾਂ ਵਿਚ ਕਿਨੂੰ ਦੀ ਸਪਲਾਈ ਤਹਿਤ ਯੂਨੀਕਲਿਪ ਐਗਰੀ ਬਿਜਨਿਜ ਪ੍ਰਾਈਵੇਟ ਲਿਮੀਟੇਡ ਦੇ ਨਾਲ ਐਮਓਯੂ ਹੋਇਆ ਹੈ। ਇਹ ਕੰਪਨੀ ਐਫਪੀਓ ਤੋਂ 200 ਮੀਟ੍ਰਿਕ ਟਨ ਕਿਨੂੰ ਦੀ ਖਰੀਦ ਕਰੇਗੀ। ਰੋਸ਼ਨ ਲਾਲ ਐਂਡ ਕੰਪਨੀ ਦੇ ਨਾਲ 100 ਮੀਟ੍ਰਿਕ ਟਨ ਦੀ ਕਿਨੂੰ ਦੀ ਖਰੀਦ ਲਈ ਐਮਓਯੂ ਕੀਤਾ ਗਿਆ ਹੈ। ਇਹ ਹੀ ਨਹੀਂ, ਐਫਪੀਓ ਨੇ 25 ਮੀਟ੍ਰਿਕ ਟਨ ਕਿਨੂੰ ਸਿਲੀਗੁੜੀ ਅਤੇ ਅਹਿਮਦਾਬਾਦ ਭੇਜਿਆ ਹੈ।ਛੋਟੇ ਕਿਸਾਨ ਖੇਤੀਬਾੜੀ ਵਪਾਰ ਸੰਘ (ਸਫੈਕ) ਨੇ ਹਿਸਾਰ ਤੋਂ 10 ਟਨ ਸਟ੍ਰਾਅਬੇਰੀ ਦੀ ਫਸਲ ਦਾ ਵੀ ਫ੍ਰੈਸ਼ ਪ੍ਰੋਡਿਯੂਜ ਵੈਲਯੂ ਕ੍ਰਇਏਸ਼ਨ ਪ੍ਰਾਈਵੇਟ ਲਿਮੀਟੇਡ ਕੰਪਨੀ ਨਾਲ ਐਮਓਯੂ ਕਰਾਇਆ ਹੈ। ਇਸ ਦੇ ਨਾਲ ਹੀ ਕਿਸਾਨਾਂ ਦੇ ਲਈ ਅਗਲੇ ਸਾਲ ਲਈ ਉੱਚ ਗੁਣਵੱਤਾ ਦੇ 50 ਹਜਾਰ ਸਟ੍ਰਾਅਬੇਰੀ ਦੇ ਪੌਧੇ ਅਮੇਰਿਆ ਤੋਂ ਮੰਗਵਾਏ ਜਾ ਰਹੇ ਹਨ। 27 ਮਹਿਲਾ ਮਜਦੂਰਾਂ ਨੂੰ ਕਿਨੂੰ ਦੀ ਤੁੜਾਈ ਅਤੇ ਹੋਰ ਕੰਮਾਂ ਦੀ ਸਿਖਲਾਈ ਦਿੱਤਾ ਗਿਆ ਹੈ। ਸਫੈਕ ਨੇ ਐਫਪੀਓ ਦੇ ਮੈਂਬਰਾਂ ਨੂੰ ਆਪ੍ਰੇਸ਼ਨ ਗ੍ਰੀਨ ਮੁਹਿੰਮ ਦੇ ਤਹਿਤ ਉਨ੍ਹਾਂ ਨੂੰ ਘੱਟ ਤੋਂ ਘੱਟ ਕੀਟਨਾਸ਼ਕ ਦਵਾਈਆਂ ਦੀ ਵਰਤੋ ਫਸਲ ਵਿਚ ਕਰਨ ਦੀ ਸਲਾਹ ਦਿੱਤੀ ਹੈ।