ਮਹਾਰਾਸ਼ਟਰ ਪੁਲੀਸ ਦੇ 348 ਮੁਲਾਜ਼ਮ ਇੱਕ ਦਿਨ ਵਿੱਚ ਕੋਰੋਨਾ ਪਾਜ਼ਿਟਿਵ

ਮੁੰਬਈ, 8 ਸਤੰਬਰ – ਦੇਸ਼ ਵਿੱਚ ਮਹਾਮਾਰੀ ਕੋਵਿਡ-19 ਤੋਂ ਸਭ ਤੋਂ ਵੱਧ ਪ੍ਰਭਾਵਿਤ ਮਹਾਰਾਸ਼ਟਰ ਵਿੱਚ ਕੋਰੋਨਾ ਵਾਇਰਸ ਪ੍ਰਭਾਵਿਤ ਸੂਬੇ ਦੇ ਪੁਲੀਸ ਫੋਰਸ ਲਈ ਦਿਨੋਂ-ਦਿਨ ਖਤਰਨਾਕ ਹੁੰਦਾ ਜਾ ਰਿਹਾ ਹੈ| ਪਿਛਲੇ 24 ਘੰਟਿਆਂ ਵਿੱਚ ਫੋਰਸ ਦੇ 348 ਮੁਲਾਜ਼ਮ ਇਸ ਦੀ ਲਪੇਟ ਵਿੱਚ ਆਏ ਜਦੋਂ ਕਿ ਇਕ ਦੀ ਜਾਨ ਚਲੀ ਲਈ| ਕੋਰੋਨਾ ਵਾਇਰਸ ਹੁਣ ਤਕ ਫੋਰਸ ਦੇ 177 ਲੋਕਾਂ ਦੀ ਹੁਣ ਤੱਕ ਜਾਨ ਲੈ ਚੁੱਕਿਆ ਹੈ| ਮਹਾਰਾਸ਼ਟਰ ਪੁਲੀਸ ਵਲੋਂ ਜਾਰੀ ਅੰਕੜਿਆਂ ਅਨੁਸਾਰ ਪਿਛਲੇ 24 ਘੰਟਿਆਂ ਵਿੱਚ ਪੁਲੀਸ ਮੁਲਾਜ਼ਮਾਂ ਵਿੱਚ ਇਨਫੈਕਸ਼ਨ ਦੇ 348 ਨਵੇਂ ਮਾਮਲੇ ਸਾਹਮਣੇ ਆਏ ਅਤੇ ਇੱਕ ਦਿਨ ਵਿੱਚ ਨਿਕਲੇ 17439 ਮੁਲਾਜ਼ਮਾਂ ਨੂੰ ਆਪਣੀ ਲਪੇਟ ਵਿੱਚ ਲੈ ਚੁੱਕਿਆ ਹੈ| ਇਨ੍ਹਾਂ ਵਿੱਚੋਂ 1855 ਅਧਿਕਾਰੀ ਅਤੇ 15584 ਪੁਰਸ਼ ਸਿਪਾਹੀ ਹਨ|
ਅੰਕੜਿਆਂ ਅਨੁਸਾਰ ਬੀਤੇ ਦਿਨ179 ਨਵੇਂ ਮਾਮਲੇ ਅਤੇ ਤਿੰਨ ਦੀ ਮੌਤ ਹੋਈ ਸੀ| ਜਾਨਲੇਵਾ ਕੋਰੋਨਾ ਵਾਇਰਸ ਦੇ 24 ਘੰਟਿਆਂ ਵਿੱਚ ਫੋਰਸ ਦੇ ਇਕ ਹੋਰ ਮੁਲਾਜ਼ਮ ਦੀ ਮੌਤ ਹੋਣ ਨਾਲ ਹੁਣ ਤੱਕ 177 ਪੁਲੀਸ ਮੁਲਾਜ਼ਮਾਂ ਦੀ ਵਾਇਰਸ ਨਾਲ ਮੌਤ ਹੋ ਚੁਕੀ ਹੈ| ਇਸ ਵਿੱਚ 16 ਅਧਿਕਾਰੀ ਅਤੇ 161 ਪੁਰਸ਼ ਕਰਮੀ ਹਨ| ਦੇਸ਼ ਵਿੱਚ ਮਹਾਰਾਸ਼ਟਰ ਮਹਾਮਾਰੀ ਨਾਲ ਸਭ ਤੋਂ ਵੱਧ ਪੀੜਤ ਹੈ ਅਤੇ 7 ਸਤੰਬਰ ਤੱਕ ਸੂਬੇ ਵਿੱਚ 9 ਲੱਖ 23 ਹਜ਼ਾਰ 641 ਲੋਕ ਇਨਫੈਕਸ਼ਨ ਦੀ ਲਪੇਟ ਵਿੱਚ ਆ ਚੁਕੇ ਸਨ| ਇਸ ਦੌਰਾਨ ਇਹ ਵਾਇਰਸ 27027 ਮਰੀਜ਼ਾਂ ਦੀ ਇਹ ਜਾਨ ਲੈ ਚੁੱਕਿਆ ਹੈ| ਸੂਬੇ ਵਿੱਚ 2 ਲੱਖ 36 ਹਜ਼ਾਰ 934 ਲੋਕ ਇਸ ਨਾਲ ਜੂਝ ਰਹੇ ਹਨ| ਮਹਾਰਾਸ਼ਟਰ ਦੇ 3225 ਪੁਲੀਸ ਮੁਲਾਜ਼ਮ ਕੋਰੋਨਾ ਨਾਲ ਮੌਜੂਦਾ ਸਮੇਂ ਪੀੜਤ ਹਨ, ਜਿਸ ਵਿੱਚ 386 ਅਧਿਕਾਰੀ ਅਤੇ 2839 ਪੁਰਸ਼ ਸਿਪਾਹੀ ਹਨ| ਕੋਰੋਨਾ ਨੂੰ 14037 ਪੁਲੀਸ ਮੁਲਾਜ਼ਮ ਮਾਤ ਦੇ ਚੁੱਕੇ , ਜਿਸ ਵਿੱਚ 1453 ਅਧਿਕਾਰੀ ਅਤੇ 12584 ਪੁਰਸ਼ ਕਰਮੀ ਹਨ|