ਯੋਗਤਾ ਆਧਾਰਿਤ ਨਵੇਂ ਇਮੀਗ੍ਰੇਸ਼ਨ ਕਾਨੂੰਨ ਤੇ ਜਲਦੀ ਕਰਾਂਗਾ ਹਸਤਾਖਰ : ਟਰੰਪ

ਵਾਸ਼ਿੰਗਟਨ, 15 ਜੁਲਾਈ – ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਉਹ ਜਲਦੀ ਹੀ ਯੋਗਤਾ ਆਧਾਰਿਤ ਨਵੇਂ ਇਮੀਗ੍ਰੇਸ਼ਨ ਕਾਨੂੰਨ ਤੇ ਦਸਤਖਤ ਕਰਨਗੇ| ਟਰੰਪ ਨੇ ਵ੍ਹਾਈਟ ਹਾਊਸ ਵਿਚ ਰੋਜ਼ ਗਾਰਡਨ ਵਿੱਚ ਇਕ ਪੱਤਰਕਾਰ ਸੰਮੇਲਨ ਵਿਚ ਕਿਹਾ,’ਅਸੀ ਹੁਣ ਇਕ ਇਮੀਗ੍ਰੇਸ਼ਨ ਕਾਨੂੰਨ ਤੇ ਜਲਦੀ ਦਸਤਖਤ ਕਰਨ ਵਾਲੇ ਹਾਂ| ਇਹ ਯੋਗਤਾ (ਮੈਰਿਟ) ਆਧਾਰਿਤ ਹੋਵੇਗਾ| ਇਹ ਕਾਫੀ ਮਜ਼ਬੂਤ ਹੋਵੇਗਾ|” ਉਹਨਾਂ ਨੇ ਕਿਹਾ,”’ਅਸੀਂ ਡੀ.ਏ.ਸੀ.ਏ. ਤੇ ਕੰਮ ਕਰਨ ਵਾਲੇ ਹਾਂ| ਕਿਉਂਕਿ ਅਸੀਂ ਲੋਕਾਂ ਨੂੰ ਖੁਸ਼ ਕਰਨਾ ਚਾਹੁੰਦੇ ਹਾਂ ਅਤੇ ਮੈ ਤੁਹਾਨੂੰ ਦੱਸਣਾ ਚਾਹਾਂਗਾ ਕਿ ਇੱਥੋਂ ਤੱਕ ਕਿ ਰੂੜ੍ਹੀਵਾਦੀ ਰੀਪਬਲਕਿਨ ਵੀ ਡੀ.ਏ.ਸੀ.ਏ. ਦੇ ਨਾਲ ਕੁਝ ਹੁੰਦੇ ਦੇਖਣਾ ਚਾਹੁੰਦੇ ਹਨ|”
ਟਰੰਪ ਨੇ ਕਿਹਾ ਕਿ ਡੈਮੋਕ੍ਰੇਟ ਦੇ ਕੋਲ ਡੀ.ਏ.ਸੀ.ਏ. ਦੇ ਨਾਲ ਕੁਝ ਕਰਨ ਦਾ 3 ਸਾਲ ਦਾ ਸਮਾਂ ਸੀ ਪਰ ਉਸਨੇ ਹਮੇਸ਼ਾ ਨਿਰਾਸ਼ ਕੀਤਾ| ਕਿਹਾ ਕਿ ”ਉਹਨਾਂ ਨੇ ਹਮੇਸ਼ਾ ਨਿਰਾਸ਼ ਕੀਤਾ| ਉਹਨਾਂ ਨੇ ਇਸ ਦੀ ਰਾਜਨੀਤਕ ਵਰਤੋਂ ਕੀਤੀ| ਮੈਂ ਇਸ ਦੀ ਵਰਤੋਂ ਕੁਝ ਕਰਨ ਲਈ ਕਰ ਰਿਹਾ ਹਾਂ| ਅਸੀਂ ਇਕ ਬਹੁਤ ਸ਼ਕਤੀਸ਼ਾਲੀ ਇਮੀਗ੍ਰੇਸ਼ਨ ਕਾਨੂੰਨ ਤੇ ਦਸਤਖਤ ਕਰਾਂਗੇ| ਇਹ ਬਿਹਤਰੀਨ ਹੋਵੇਗਾ, ਇਹ ਯੋਗਤਾ ਤੇ ਆਧਾਰਿਤ ਹੋਵੇਗਾ| ਦੇਸ਼ ਜਿਸ ਨੂੰ 25-30 ਸਾਲ ਤੋਂ ਪਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ|”
ਦੂਰੇ ਪਾਸੇ ਉਹ ਨਵੰਬਰ ਚੋਣਾਂ ਵਿੱਚ ਆਪਣੀ ਜਿੱਤ ਨੂੰ ਲੈਕੇ ਪੂਰੀ ਤਰ੍ਹਾਂ ਆਸਵੰਦ ਦਿਸੇ| ਉਹਨਾਂ ਇਕ ਸਵਾਲ ਦੇ ਜਵਾਬ ਵਿੱਚ ਕਿਹਾ,”ਕੀ ਤੁਸੀਂ ਦੌੜ ਵਿਚ ਖੁਦ ਨੂੰ ਹਾਰਦੇ ਦੇਖਦੇ ਹੋ| ਕੀ ਤੁਸੀਂ ਖੁਦ ਨੂੰ ਹਾਰਦਾ ਹੋਇਆ ਦੇਖਦੇ ਹੋ|” ਉਹਨਾਂ ਕਿਹਾ,”ਮੈਂ ਨਹੀਂ ਦੇਖਦਾ, ਮੈਨੂੰ ਲੱਗਦਾ ਹੈ ਕਿ ਸਾਡੇ ਕੋਲ ਚੰਗੇ ਚੁਣਾਵੀ ਨੰਬਰ ਹਨ| ਇਹ ਦਮਨਕਾਰੀ ਚੋਣਾਂ ਨਹੀਂ ਹਨ| ਇਹ ਵਾਸਤਵਿਕ ਚੋਣਾਂ ਹਨ|” ਇਸ ਵਿਚ ਪੁਲੀਸ ਕਰਮੀਆਂ ਵੱਲੋਂ ਅਫਰੀਕੀ ਅਮਰੀਕੀਆਂ ਦੀ ਹੱਤਿਆ ਕੀਤੇ ਜਾਣ ਦੇ ਸਵਾਲ ਤੇ ਟਰੰਪ ਇਕ ਰਿਪੋਟਰ ਤੇ ਭੜਕ ਪਏ ਅਤੇ ਗੋਰੇ ਲੋਕਾਂ ਨੂੰ ਵੀ ਪਰੇਸ਼ਾਨ ਕੀਤੇ ਜਾਣ ਦੀ ਗੱਲ ਕਰਨ ਲੱਗੇ|