ਗੁਰਦਾਸਪੁਰ 21 ਮਈ 2024 : ਦਰਿਆ ਪਾਰ ਪੈਂਦੀ ਜਮੀਨ ਤੱਕ ਆਉਣ ਜਾਣ ਲਈ ਇੱਕ ਵਿਅਕਤੀ ਵੱਲੋਂ ਦਰਿਆ ਤੇ ਹੀ ਸੀਵਰੇਜ ਪਾਈਪਾਂ ਪਾ ਕੇ ਉੱਪਰ ਮਿੱਟੀ ਪਾ ਕੇ ਚੋੜਾ ਰਸਤਾ ਬਣਾ ਲਿਆ ਗਿਆ। ਰਸਤਾ ਵੀ ਇਨਾ ਚੌੜਾ ਕਿ ਇਸ ਤੋਂ ਟਰੈਕਟਰ ਟਰਾਲੀ ਤੱਕ ਆਸਾਨੀ ਨਾਲ ਲੰਘ ਸਕਣ। ਮਾਮਲਾ ਭੈਣੀ ਮੀਆਂ ਖਾਂ ਕਸਬੇ ਵਿੱਚ ਬਿਆਸ ਦਰਿਆ ਕਿਨਾਰੇ ਵਸੇ ਪਿੰਡ ਭੈਣੀ ਪਸਵਾਲ ਦਾ ਹੈ।
ਸ਼ਿਕਾਇਤ ਕਰਤਾਵਾਂ ਦਾ ਦੋਸ਼ ਹੈ ਕਿ ਇਸ ਰਸਤੇ ਨੂੰ ਦਰਿਆ ਵਿੱਚੋ ਨਜਾਇਜ਼ ਤੌਰ ਤੇ ਰੇਤ ਕੱਢਣ ਵਾਲੇ ਤਾਂ ਵਰਤ ਲੈਂਦੇ ਹਨ ਪਰ ਹੋਰ ਕਿਸੇ ਨੂੰ ਇਸ ਰਸਤੇ ਤੋ ਲੰਘਣ ਨਹੀਂ ਦਿੱਤਾ ਜਾਂਦਾ ਜਿਸ ਕਾਰਨ ਇਸ ਦੀ ਸ਼ਿਕਾਇਤ ਪਿੰਡ ਵਾਲਿਆਂ ਵੱਲੋਂ ਇਲੈਕਸ਼ਨ ਕਮਿਸ਼ਨ ਨੂੰ ਕੀਤੀ ਗਈ। ਇਲੈਕਸ਼ਨ ਕਮਿਸ਼ਨ ਵੱਲੋਂ ਮਾਮਲੇ ਬਾਰੇ ਮਾਈਨਿੰਗ ਵਿਭਾਗ ਕੋਲੋਂ ਰਿਪੋਰਟ ਮੰਗੀ ਗਈ ਤਾਂ ਮਾਈਨਿੰਗ ਵਿਭਾਗ ਵੀ ਹਰਕਤ ਵਿੱਚ ਆ ਗਿਆ ਹੈ। ਮਾਮਲਾ ਭੈਣੀ ਮੀਆਂ ਖਾਂ ਕਸਬੇ ਵਿੱਚ ਬਿਆਸ ਦਰਿਆ ਕਿਨਾਰੇ ਵਸੇ ਪਿੰਡ ਭੈਣੀ ਪਸਵਾਲ ਦਾ ਹੈ।
