ਓਟਵਾ, 26 ਅਕਤੂਬਰ, 2023: ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਸਾਬਕਾ ਪਤਨੀ ਸੋਫੀਆ ਗਰੇਗੋਰੇ ਟਰੂਡੋ ਨੇ ਓਟਵਾ ਦੇ ਇਕ ਬੱਚਿਆਂ ਦੇ ਡਾਕਟਰ ਨਾਲ ਸਾਂਝ ਪਾ ਲਈ ਹੈ। ਇਹ ਖੁਲ੍ਹਾਸਾ ਉਸ ਡਾਕਟਰ ਨਾਲੋਂ ਤਲਾਕ ਲੈਣ ਵਾਸਤੇ ਸਾਬਕਾ ਪਤਨੀ ਵੱਲੋਂ ਅਦਾਲਤ ਵਿਚ ਪਾਈ ਪਟੀਸ਼ਨ ਤੋਂ ਹੋਇਆ ਹੈ।
26 ਅਪ੍ਰੈਲ 2023 ਨੂੰ ਅਦਾਲਤ ਵਿਚ ਪਾਈ ਤਲਾਕ ਲਈ ਪਟੀਸ਼ਨ ਵਿਚ ਐਨਾ ਰੇਮੋਂਡਾ ਨਾਂ ਦੀ ਡਾ. ਮਾਰਕੋਸ ਬੈਟੋਲੀ ਦੀ ਪਤਨੀ ਨੇ ਦੱਸਿਆ ਕਿ ਡਾਕਟਰ ਨੇ ਇਕ ਹਾਈ ਪ੍ਰੋਫਾਈਲ ਸ਼ਖਸੀਅਤ ਨਾਲ ਸਾਂਝ ਪਾ ਲਈ ਹੈ ਜੋ ਮੀਡੀਆ ਵਿਚ ਖਿੱਚ ਦਾ ਕੇਂਦਰ ਹੈ ਤੇ ਜਿਸਨੂੰ ਭਾਰੀ ਸੁਰੱਖਿਆ ਮਿਲੀ ਹੋਈ ਹੈ। ਬੇਸ਼ੱਕ ਅਦਾਲਤੀ ਦਸਤਾਵੇਜ਼ਾਂ ਵਿਚ ਟਰੂਡੋ ਦੀ ਸਾਬਕਾ ਪਤਨੀ ਦੇ ਨਾਂ ਦਾ ਜ਼ਿਕਰ ਨਹੀਂ ਹੈ ਪਰ ਰਿਪੋਰਟਾਂ ਵਿਚ ਇਸ ਗੱਲ ਦੀ ਪੁਸ਼ਟੀ ਹੋ ਗਈ ਹੈ ਕਿ ਸੋਫੀਆ ਗਰੇਗੋਰੇ ਟਰੂਡੋ ਨੇ ਡਾ. ਬੇਟੋਲੀ ਨਾਲ ਸਾਂਝ ਪਾ ਲਈ ਹੈ ਤੇ ਉਸਨੇ ਪ੍ਰਧਾਨ ਮੰਤਰੀ ਟਰੂਡੋ ਤੋਂ ਤਲਾਕ ਲੈਣ ਤੋਂ ਪਹਿਲਾਂ ਹੀ ਡਾਕਟਰ ਨਾਲ ਸੰਬੰਧ ਬਣਾ ਲਏ ਸਨ।
