ਐਸ.ਏ. ਐਸ ਨਗਰ, 28 ਜੂਨ ਮਨੋਰੰਜਨ ਚੈਨਲ ਘੈਂਟ ਪੰਜਾਬ ਹੁਣ ਭਾਰਤ ਦੇ ਪ੍ਰਮੁੱਖ ਸਟ੍ਰੀਮਿੰਗ ਪਲੇਟਫਾਰਮ, ਜੀਓ ਟੀਵੀ ਅਤੇ ਜੀਓ ਟੀਵੀ ਪਲੱਸ ਤੇ ਵੀ ਉਪਲਬਧ ਹੋਵੇਗਾ। ਚੈਨਲ ਦੀ ਫਾਊਂਡਰ ਡਾਇਰੈਕਟਰ ਗੁਰਲੀਨ ਕੌਰ ਨੇ ਦੱਸਿਆ ਕਿ ਉਪਭੋਗਤਾਵਾਂ ਨੂੰ ਬਿਨਾਂ ਕਿਸੇ ਖਰਚੇ ਅਤੇ ਵਾਧੂ ਡਿਵਾਈਸ (ਜਿਵੇਂ ਸੈਟ ਟਾਪ ਬਾਕਸ) ਦਾ ਭੁਗਤਾਨ ਕੀਤੇ ਬਿਨਾਂ ਟੀ ਵੀ ਦੇ ਸਾਰੇ ਪ੍ਰੋਗਰਾਮ ਮੁਫਤ ਦੇਖਣ ਨੂੰ ਮਿਲਣਗੇ।
ਉਹਨਾਂ ਕਿਹਾ ਕਿ 2015 ਵਿੱਚ ਆਰੰਭ ਕੀਤੇ ਗਏ ਚੈਨਲ ਘੈਂਟ ਪੰਜਾਬ ਤੇ ਮਨੋਰੰਜਨ ਖਬਰਾਂ, ਰਿਵਿਊ, ਵੀਡੀਓ ਅਤੇ ਹੋਰ ਪ੍ਰੋਗਰਾਮ ਪ੍ਰਸਾਰਿਤ ਕੀਤੇ ਜਾਂਦੇ ਹਨ ਅਤੇ ਚੈਨਲ ਨੌਜਵਾਨਾਂ ਤੋਂ ਲੈ ਕੇ ਬਜ਼ੁਰਗਾਂ ਤੱਕ ਹਰ ਉਮਰ ਦੇ ਦਰਸ਼ਕਾਂ ਲਈ ਪ੍ਰੋਗਰਾਮ ਪੇਸ਼ ਕਰਦਾ ਹੈ। ਇਹ ਜੀਓ ਟੀਵੀ ਤੇ ਚੈਨਲ ਨੰਬਰ 1378 ਤੇ ਉਪਲਬਧ ਹੈ।
ਪੰਜਾਬੀ ਵਿਰਸਾ ਸਭਿਆਚਾਰਕ ਸੁਸਾਇਟੀ ਦੇ ਪ੍ਰਧਾਨ ਅਤੇ ਸਾਬਕਾ ਕੌਂਸਲਰ ਸਤਵੀਰ ਸਿੰਘ ਧਨੋਆ ਨੇ ਚੈਨਲ ਦੇ ਜੀਓ ਟੀਵੀ ਅਤੇ ਜੀਓ ਟੀਵੀ ਪਲੱਸ ਤੇ ਉਪਲਬਧ ਹੋਣ ਤੇ ਚੈਨਲ ਦੀ ਟੀਮ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ 2015 ਵਿੱਚ ਚੈਨਲ ਦੀ ਸ਼ੁਰੂਆਤ ਕਰਨ ਵਾਲੇ ਗੁਰਲੀਨ ਕੌਰ ਅਤੇ ਹਮਰਾਜ ਧਨੋਆ ਸ਼ੁਰੂ ਤੋਂ ਹੀ ਸਮਾਜਿਕ ਕਾਰਜਾਂ ਵਿੱਚ ਸਹਿਯੋਗ ਦਿੰਦੇ ਆ ਰਹੇ ਹਨ ਅਤੇ ਲੋਕ ਭਲਾਈ ਦੇ ਕਾਰਜਾਂ ਵਿੱਚ ਹਮੇਸ਼ਾ ਨਿਸਵਾਰਥ ਹੋਕੇ ਉਹਨਾਂ ਦੇ ਨਾਲ ਰਹੇ ਹਨ।
